Friday, 24 October 2014
Aruba tambe ta Participa den e competencia di fotografia international di Wiki Loves Monuments Print E-mail
Friday, 30 August 2013 11:53
DSC_2063
Usuarionan di Internet rond mundo ta preparando pa participa den e di cuater edicion di e competencia international di fotografia mas grandi di mundo, Wiki Loves Monuments 2013.

Tur aña miles di participantenan di diferente paisnan rond mundo ta upload nan potretnan di monumentonan historico y herencia cultural, pa asina mustra mundo nan herencia… y pa purba di gana premionan hopi atractivo.

Y e anja aki pa prome biaha Aruba lo ta participando hunto ku mas di 50 pais na Wiki Loves Monuments 2013 organiza pa Stichting Monumenten fonds Aruba y nos sponsornan.
Cada pais ta organiza su propio contest nacional cu lo tuma luga di dia 1 te cu dia 30 di September 2013. Den e periodo aki tur hende por subi fotografia di monumento online y asina participa. Pa participa ta fasil, Tin 2 Categoria : Den Categoria uno e participante por upload potret di un lista selecta di monumentonan protehi. Y den Categoria 2 e participante por upload potretnan di tur demas monumentonan di Aruba.

Pa upload e potret e participante mester subi riba nos website di Wiki Loves Monuments ku ta www.wlmaruba.com , scohe e categoria cu kier participa, djis sigui e instruccionan pa upload y asina ja ta participando. E fotografia no mester ta saka den September pero si por upload solamente entre dia 1 y 30 di September, tambe e participante mester ta autor di e fotografia y ta acepta ora di upload pa entrega parti di su derecho di autor pa e potret por asina wordo husa libremente pa tur hende.
E juradonan di e competencia nacional lo disidi cua ta e potretnan ganador, nos tin premio nan hopi atractivo pa e prome lugar di cada categoria lo recibi un ticket pa fort Lauderdale cortesia di Tiara Air Aruba y e prome lugar di Categoria 1 lo tin e chens tambe pa asisti como fotografo special na e evento di Caribean sea Jazz Felstival Aruba 2013. Cortesia di Purple entertainment Group
Tambe lo tin premionan manera weekend stays, sunset sails, dinners y hopi mas.
Tambe e Jurado lo scohe for di categoria 1 e 10 mihor potretnan y esakinan lo participa na e contest international ku e chens pa gana un trip pa London. Keda pendiente tambe di nos Facebook page ku ta Stichting monumenten Fonds Aruba pa chens di gana hopi premio mas.

Wiki Loves Monuments ta un oportunidad maravioso pa nos tur por siña y descubri mas tocante nos cultura y monumentonan, asina nos tur por contribui na comparti cu e mundo e bellezanan di monumento ku nos tin na Aruba y tambe consientiza otronan tocante e balor di nos monumentonan y e importancia pa protehenan. Pe motibo aki mi kier encourasha tur hende , bai keiro rond Aruba ku famia y amigonan saka portet y sinja mas di nos monumentonan y participa pa gana hopi premio.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter