Diadomingo ultimo MEP a organisa e "Yellow Vibe" den Noord. Desde oranan di mainta por a nota bastante movecion di auto pa e evento aki. Pero despues di merdia realmente por bisa cu camindanan na Aruba tabata GEEL GEEL. Di tur skina autonan tabata sali, decora na materialnan di campanja di anjanan anterior, pa asina decora e cayanan di Aruba cu GEEL.

Diahuebs atardi dos hoben atendiendo Abraham de Veerschool a haya un invitacion special pa ta abordo di e boto Ecolution di Prof. Dr. Wubbo Ockels. E dos hobennan aki a resulta ganado di un competencia organisa via facebook. Pa participa na e competencia, e hobennan mester a skirbi un texto caminda nan mester describi con pa encurasha famia y hobennan pa biba mas berde y di un manera sostenibel na Aruba.

For di Westpunt te Colorado, manera e famoso cancion di Jossy Brokke ta bisa, asina tambe Gobierno di Aruba pa medio di Accion BoBario ta cubri henter nos isla, bishitando cada districto, cada bario y cada caya. Prome Minister Mike Eman y team BoBario a bishita e siman aki e habitantenan di Weg Kust Baterij na San Nicolas.

Pa medio di e comunicado aki Aruba Wieler Bond kier a informa tur automobilista pa tene cuenta cu e siguiente informacion: Diasabra 25 di mei, e caminda principal entre e Retonde di Pos Chiquito y e crusada di Mahuma lo wordo sera completamente pa trafico di motor.

Diaranzon, 22 di mei tabata un dia sumantene special, cu ta wordo celebra pa di 6 aña consecutive na ARuba. Den un ambiente masha intimo a celebra e dia special aki, “Viva La Donna Day”, un dia specialmente pa nos damanan of hombernan balente y fuerte cu a lucha of ta hibando nan lucha contra cancer. Riba e dia aki e patientnan ta e centro di atencion.