| Polis a ruim op de boel na Eagle Beach |
 |
 |
| Sunday, 24 June 2012 10:56 | ||||||||||||||||||||||||
 E accion di polis relaciona cu aglomeracion y consumo di alcohol riba caya diasabra manece diadomingo a sigui. Despues di tabata tin un situacion cu a presenta na Arashi, e agentenan a sigui cu accion na e resto di costa bay direccion p'ariba. Na Eagle Beach a ruim op de boel. Eynan tur weekend tin aglomeracion cu bebemento y te hasta cierto iregularidadnan mas cu sa tuma lugar. Coremento bao influencia tambe ta parti di e resultado di e bebemento na e sitio ey. Diadomingo marduga si e agentenan a bay den accion y pa trece trankilidad pa e resto di oranan di marduga a dicidi di pidi tur hende pa bandona e area di Eagle Beach. Tabata tin hendenan riba e Beach como tambe canto di e caminda. Den un forma tactico e grupo di agente specialisa den e trabao aki a sa di move tur hende. Riba e foto aki por mira parti di e accion. Naturalmente ta tur fin di siman tin mesun problema den e area y peor ainda ta e cantidad di sushi cu e grupo di hobennan aki ta laga atras. Cantidad di boter di alcohol bashi y otro productonan cu tambe ta wordo usa sea di cuminda etc. Te hasta tin menornan cu ta bebe alcohol na e sitio. Tin biaha sa mira tambe mucha muhernan hoben cu baby den braza den oranan straño cu un musica duro.
Comentarionan (9)Mustra/Kita comentarionan ...
Mester bin un ley manera miami pa stop bebemento den publico. Ta nos mes ta laga e bagamunduria aki pasa, danki na nos lamento cu no ta funtiona.
,
June 24, 2012
...
good job policenan,chef,dowers, 0 tolerancia mester sigi !!! bebe ,hasi fastioso ,trece trafico den peliger, mucha muhe ku baby, ora laat ey, anto bira onbeschoft ku polis, NO POR,ARUBA NO TWTA ASINA.
,
June 24, 2012
...
Mi ta completamente di acuerdo cu Sparrow su commentario alcohol cu droga ta pone Aruba bai den un mal caminda.
,
June 24, 2012
...
Tin hopi Supermarket y Minimarket na Aruba cu ta permiti nan clientenan para bebe cerbes den nan lugar of dilanti nan lugar, locual ta contra e condicionnan di nan permiso pa bende bebida alcoholico. "....voor consumptie anders dan ter plaatse....." kier meen ni paden di e tienda ni dilanti di e tienda (riba e stoepi). E clientenan mester bai for di e lugar cu nan bebida. Fuera di esei nan ta crea un mahos bista den e minimarket of dilanti di e minimarket, burachi vies papiando palabra malo na nan antoho. Na unda e control di Sectie Bijzondere Verordeningen a keda?
,
June 24, 2012
...
Ami sa wak adulto tambe ta bebe banda di strand. Dus ta hobennan so!!!!!!!!!!!!!!
,
June 24, 2012
...
man duro, jega bati cu riot sticks, no esunnan nobo, esunnan fini e bieunan. jega duna ordo plama, i esun cu no plama, pase un riot sticks/ hamas e lo pensa di habri boca cu polis, i sigur e lo bira bon bon mucha, cu bo no ta haye ta hasi e cosnan ey. riot sticks no ta abusa toch, pasobra ta djis uno bo ta pase, e mester core basta rato, pe d**or pasa. i hamas lo bolbe p.erde respet pa polis. man duro. basta cu bagamunderia. ki mishi un polis ta bai traha, pa cuida pueblo ta sali herida, pa motibo di e hobennan aki. no por
,
June 24, 2012
...
Ja tin hende kier bai den extremo! yes you Sparrow. Lagami na pas ora mi kier dal un cerbez cu mi hubby banda di beach.
Nada di verbod riba alchol den publico, nos ta Arubiano nos ta dal drinks tur caminda. Ta bon cu polis a hasi y ruim op de boel. Pero ban ta serio, no bai cambia lei pasobra tin algun hende cu no por gedrag nan mes. Hende drechi ta bai sufri pa un paar idioot.
,
June 24, 2012
...
Diabierna den oranan di atradi tbt dos grupo di muhernan na e di dos entrada di Eagle comportando nan mes masha vulgar mes. Tres di nan tbt pata pata mustrando turistanan cu tbt jog the middle finger. Un tiki mas leu tbt tin otro pandiya di muhernan y 3 mucha mey di e buya cu e muhernan tbt haci. Dos tbt tin hasta nan uniform di trabao bisti y un a lanta un di e mucha chikito y despues a coi un boter di cerbez y dal su cerbez y e mucha tbt ranca n'e boter. E turistanan cu tbt jog tbt asina spanta/asombra. Nos a bisanan, "not all Arubans are like that trash over there" y un sra a contesta 'they should take those kids away from them". Shonan, Polis no mester haci manera nan no sa, esaki ta pasa TUR weekend y awor cu vakantie, Tur freakin dia! Ki dia bin cu ley pa PROHIBI alcohol habri riba caminda publico??? Parlamento ta sordo y gobierno tambe pasobra nan ta mescos, mesun vies!
,
June 25, 2012
Duna Comentario y/of Comparti riba Social Medi |
Mustra/Kita e formulario di comentario
