| Comisario Trudy Hassel: Polis no ta tolera mal comportacion di hubentud |
 |
 |
| Monday, 25 June 2012 22:18 |
|
Comisario di polis Trudy Hassel durante e conferencia di prensa yama pa cuerpo policial a comenta riba diferente evento cu tabata tin den fin di siman. Loke a sosode na Arashi ta un di e situacionnan cu a ser presenta. Na e actividad na Arashi dos polis a keda herida y tambe tabata tin dos auto di polis a keda destrui. Na Eagle beach tambe mester a haci un limpieza. Comisario Trudy Hassel a haci un peticion na tur e hendenan cu ta pidi permiso pa actividad pa tene cuenta cu hopi cos. E persona cu ta haci e peticion ta mas bien manda su ideanan di e fiesta. E nomber mahos cu e fiesta na Arashi tabata tin no a bin riba e peticion. Nos ta na porta di un vacacion y aki tambe polisnan ta den un alerta. Comisario Trudy Hassel a haci un peticion special como cuerpo policial pa tene cuenta cu e uso di alcohol entre hobennan. Mas leu comisario Trudy Hassel a splica cu ora haci un peticion e exigencianan tey. Si cambia e exigencianan nifica cu e permiso no ta valido. Un permiso mester wordo pidi diez dia prome. Lamentablemente esaki no ta sosode asina hopi biaha. Tin motibo pakiko tin un exigencia di diez dia di trabao pa asina polisnan tambe prepara nan hendenan. E accionnan lo bai sigui. Tur weekend lo sigui cu e control na Eagle Beach. Cu man duro lo sigui atende cu e situacion riba caya. Esnan cu kier bebe keda cas. Awendia tambe polisnan ta wordo insulta manera nada. Polisnan ta getrain pa por wanta cierto insulto pero polis por actua mesora si e ta sinti su mes insulta. Na Aruba mas y mas hende ta insulta polis y no tin respet. Na lugar di admiti un eror e hendenan no ta haci esaki. Tin hende cu ta purba sconde tras di tur insulto pa motibo di nan eror segun e comisario di polis. Awendia polisnan no por actua mas facilmente dor di pasa un hende un canti man. A mustra comisario di polis cu den cuerpo policial mes tin departamentonan cu ta cla pa colga un polis pa cualkier eror chikito cu e comete. Asina mes e comisario a splica cu tin biaha un hende ora di detencion ta resisti su detencion y aki tin cosnan cu por bai for di man unda sla por cay di ambos banda. E comparacion di pasado cu awor mester keda pa pasado. Comisario Trudy Hassel ta kere cu ta importante pa tin un departamento interno pa atende cu situacionnan cu por sosode. Comentarionan (5)Mustra/Kita comentarionan ...
You earn respect,E solution di KPA Violencia pa combatie problema. Bai busca coi hacie manera resolve atraco ladronicia kiebro abuso di mucha core auto bow influencia y polis corupto cu ta come y bebe for free durante ora di trabow. Pero no ban papia di e respect cu nan a perde paboso, guess why nan a perde respect Pa KPA
,
June 25, 2012
...
Di masha tempo caba, polisnan ta wordo insulta y ultimo tempo hasta maltrata hasiendo nan trabao. Si abo como polis dal un personan cu ta resisti ta abuso di poder.y ta con bo ta jame ora un civil dal e polis hasiendo su trabao anto? A bira tempo pa trata e personan ney cu man duru pa nan por sinja respeta polis bek! Paso ta pesey mes nan ta kere cu nan por lanta cu polis, paso nada no ta pasa nan toch!
,
June 25, 2012
...
Trudy, dicon semper bo mester danja cos pa Polis? Dicon bo no por mira e bright side? Cos a bay asina bon den trafico, na AIFF, bon coordinacion, etc. Tur esaki bo no ta mira...pero e dos mucha hombernan cu a lanta cu Polis ta haya asina tanto atencion dunando un impresion robez comosifuera cu ta un "Riot" tin na Aruba. Bo ta exagera cosnan y constantemente purba pone hubentud den un mal spot, pa asina tur hende por papia malo di nan pa abo por bin organisa bo "Let's Talk" su tras. E actitud di bo aki ta splica tur cos dicon Gobierno a NENGA bo solicitud pa CEA. Segun mi un di esunnan sinta banda di Bo ey mes lo bay CEA awo....miho nan mandabo bay maneha KIA pasobra Polis definitivamente bo NO por!
,
June 26, 2012
...
Shon nan STOP di kritika otro, Bo ta haya tur rason si abo SI por bin cu mihor solushon cu esun cu tin tur derecho di kumpli cu su trabow! Acshon tawata na su lugar! Pesey nan a sinja pa POLIS i pesey na ta e persona adecuado pa hasi nan trabow. Si nan no a hasi nan trabow ta Minister ta haya e malo nomber.Laga Sra, Hassel hasi su trabow pesey e tin e titulo ey. Es mas nos hubentud ta birando dia pa dia mas peor. Mester laga e ley di "SERO TOLERANCIA" ON pa sikiera 3 luna. Ki mishi bo lanta contra polis? Pa kolmo ta nan mes a yama polis, pues si bo no sa kiko a pasa no duna comentario nan sin pia sin cabes, si no bira polis I hasi e dirty job. PUEBLO ARUBIANO CONCIENTE BAN DUNA NOS POLIS NAN MAS RESPET I DUNA NAN UN MAN , RAPORTA TUR KOS KU NO TA BON I NO TA SIRBI! BAN KABA CU E KOS NAN AKI RIBA E ISLA AKI.TA BASTA!!!
,
June 26, 2012
Duna Comentario y/of Comparti riba Social Medi |
Mustra/Kita e formulario di comentario
