|
Bisiñanan contento cu porfin a basha choller house abou |
 |
 |
|
Saturday, 15 September 2012 15:53 |
|
Habitantenan di Flacciusstraat na Playa Pabou por fin por a hala rosea ora cu diasabra mainta contratista a yega un cas den abandono cu pa varios aña tin dos adicto ambulante ta bida den dje ta haci tur nan fechorianan dia y anochi. E cas den estado deplorabel tabata sumpiña den wowo di e bisiñanan.
E habitantenan preocupa cu ta biba banda di e cas bandona tabata tira bista di tur movecion den e cas. Algun biaha bisiñanan a yega di perde pertenencianan na man di adictonan cu tabata busca cos pa horta. Ademas e adictonan tabata bende droga. Asina solo baha e cas tabata "drive thru" pa un cantidad di hende cu tabata pasa den e caya pa busca manera pa calma nan adiccion. Bisiñanan den desesperacion a hasta a organisa accion di firma pa desaci di e cas. E situacion tabata uno hopi a-higienico cu holor di desechonan humano ta penetra te den cushina y sala di un bisiña. Ora bisiñanan tabata tuma accion contra e adictonan biba den e cas bandona un guera completo tabata cuminsa unda e cholernan tabata kibra auto y cas di e bisiñanan cu ta purba di core cu nan. Robert Kip consehero di Minister di Insfractuctura, Medio Ambiente y Integracion hunto cu Minister Sevinger a coordina e trabao pa basha e cas abao hunto cu ayudo di sector priva. E proceso sigur a tarda door cu mester a haya acuerdo di famia cu ta doño di e propiedad. Pa logra esaki a haya un hende dispuesto pa cumpra e ruina cu na su turno a dicidi di basha e cas bandona abou. E problema ta pa haya autorisacion di doño(nan) di cas bandona pa tuma accion. Mayoria biaha mayornan ta fayece laga e cas na nombernan di nan yiu(nan) cu no ta desea e cas ta laga e propiedad bandona. E caso den Flacciusstraat no ta e prome tampoco e ultimo caya cu tin cas bandona cu ta shelter pa chollernan. Ya caba e Ministerio di Infrastructura, Medio Ambiente y Integracion tin wowo riba algun otro parcela den situacion similar.
 |
Mustra/Kita e formulario di comentario
