| Kijkdag riba diabierna 21 september 2012 pa auto na diferente localidad di polis |
 |
 |
| Wednesday, 19 September 2012 16:09 | ||||||
 Alto mando di Cuerpo Policial di Aruba a dicidi pa organisa e di dos ‘kijkdag’den aña 2012 relaciona cu tur e autonan y brommernan staciona na diferente warda di polis.
Algun di e autonan a wordo tuma den beslag durante accion di trafico di polis, algun auto a wordo haña banda di caminda of den mondi door di polis, algun auto ta procedente di joyriding, etc. Tin algun auto cu ta na e diferente wardanan pa hopi tempo caba. Cuerpo Policial di Aruba ta organisa e kijkdag pa publico por wak y demostra cu documento cu un vehiculo ta di nan of cu nan tin tur documento na ordo. E dia pa esey ta diabierna 21 september 2012 na warda di Noord, San Nicolas, Santa Cruz y Balashi. E orario ta di 13.00 pa 17.00or. E personanan cu ta bay pa regla su asunto por pidi na cada warda di polis pa e Chef van Dienst y na Balashi pa sr. Joy Dirks. Despues di e dia aki Cuerpo Policia di Aruba lo bay evalua e vehiculonan cu a keda of no a wordo busca. E vehiculonan aki por wordo destrui (machica). Tene cuenta cu den cierto caso KPA ta autorisa pa cobra e suma di Afl 25,- pa cada dia cu un vehiculo ta riba tereno di KPA (Retributie- en legesbesluit Korps Politie Aruba 2002). Den e caso aki ainda nos no ta baycobra publico,pues probecha di e oportunidad aki. Publico ta wordo suplica pa tene bon cuenta cu esey y usa e kijkdag riba diabierna 21 september 2012 pa wak si nan vehiculo(auto of brommer) ta na un di e wardanan di polis menciona.
|
Mustra/Kita e formulario di comentario
Ta solamente si nan por tin copia di cada papel !!!!!