|
Problema entre pareha ta pone cu e caballero a perde strea di North |
 |
 |
|
Thursday, 20 September 2012 15:57 |
|
Un problema di pareha cu a bay for di man, a pone cu diahuebs atardi e cabayero envolvi den e problema perde strea di nort. E cabayero aki a dicidi pa yama pidi presencia di Ambulance y Polis pa bin yude cu su problema pasobra e no ta sinti bon.
E persona aki no por a describi na unda e ta biba, cu a pone cu un buskeda den vecindario di Madiki a cuminsa. Despues di un rato a bin encontra e persona sinta pafo cu un yiu den su man. El a describi na Polis cu el a pleita cu su casa, despues a bay departamento di Labor y ora cu el a yega cas, el a cay for di cama cu a pone cu e ta den hopi dolor. Polis y personal di Ambulance a keda tur confundi cu e storia. Ora cu a sigui investiga pa saca afo kende e persona ta, ta bin compronde cu e cabayero no tin documento di AZV y no ta prome biaha cu e ta yama Polis cu su storianan straño. Personal di Ambulance a dicidi pa transporta e persona pa Hospital, mientras tanto cu Polis a keda na e cas pa investiga mirando cu e cas tabata full reboltia. Ki mishi un persona su so cu un baby na cas y den e estado aki no ta conoci na nos, pero sigur algo cu e departamento concerni mester cuminsa paga atencion na e caso aki.
 |
Mustra/Kita e formulario di comentario
