| Polis a detene sospechoso di atraco |
 |
 |
| Tuesday, 11 December 2012 06:00 | |||||||||||||||||||||||||||||||||
|
Tin un posibel atracado menos riba caya awe, despues cu awe 5or di marduga Polis a detene e hoben Danny Maduro na su cas, situa na Paramira Villas # 70 banda di Solito. Ta acus'e di posicion di arma y di a comete atraco arma. "Atraco Team" di Polis tin algun dia caba investigando e caso y ta sinti cu tin suficiente prueba awo pa detene e sospechoso aki. No obstante su edad hoben, ya e sospechoso ta un conoci di husticia. E tebata un di e sospechosonan principal den e caso di hortamento di arma pisa na cas di Dr. De Cuba na Palm Beach. Polis ta consider'e un persona peligroso y cu ta cana arma, pa cual a haci uzo di "Arrestatie Team" pa por a detene na cas di su tata.Algun dia pasa Danny Maduro tabata den noticia caba ora cu Polis a purba detene pero el a logra huy. Den e proceso el a lubida un arma di candela atras, mustrando asina cu e tabatin un plan serio. Desde e dia ey ta busk'e. Despues di a sigui'e algun dia, awe mardug a detene y percura cu por lo pronto e ta den man di husticia pa e por para responsabel pa e delitonan cu ta acus'e di dje. E tata a bisa Polisnan awe cu el a papia hopi cu e yiu pa e cambia su bida. Specialmente despues di a hay'e caba den problema cu husticia relaciona cu e caso di arma. Pa e mayor mes, e hecho cu e yiu ta envolvi atrobe den un caso penal ta masha di lamenta. Durante e detencion relampago aki, Polisnan a kibra e porta di cas pa drenta y detene e sospechoso peligroso aki. Paden tabatin e tata y un mucha chikito cu sin duda a spanta di e accion aki. Polis a informa e doño di cas cu Gobierno lo percura pa drecha su porta bek. Desde 3:30am a cuminsa cu preparacion pa e detencion aki, pa cual Polisnan di "Arrestatie Team" y di "Atraco Team" tabata reuniendo den cuadro di preparacion pa e detencion. Asina tambe tabatin Polisnan di "Observatie Team" cu tabatin e cas bon vigila pa sigura cu e sospechoso ta na cas caba y posiblemente drumi pa ora drenta pa detene no hay'e lanta. Algo pa 5or di marduga e Polisnan a topa na altura di e cura di Setar na Sero Blanco pa asina exactamente 5or di marduga "Arrestatie Team" a drenta e cas, detene e sospechoso y hib'e Warda di Polis di Playa pa interogacion.
Comentarionan (12)Mustra/Kita comentarionan ...
increibel con nos joven nn ta bai asina perdi berdad como major bo ta papia cu nn mustra nn e cos malo nn pero toch nn no ta haci cas mes di nn majornn hopi tristo pa e familia den e temporada aki con cu bai bin e ta jui di un mama i tata .
,
December 11, 2012
...
Nice job di poliz nan i atraco team sigi asina aki, i awor un bon castigo ta na su lugar.
,
December 11, 2012
... hahahah Sorry cu mi mester hari "Polis a informa e doño di cas cu Gobierno lo percura pa drecha su porta bek" esey si ta un cos pret lagami conta boso un caso: polis e dia cu nan a mata in cold blood e colombianonan na renasseance nan a tira riba hopi auto un di autonan ey ta dimi polis "di" cu nan ta drechanan te awo tanto luna pasa caba y ainda mi auto ta yen di buraco ma manda carta na tur departamento tur minister y ainda nada mientrastanto mi auto ta putri pa via di e buraconan ey .... asina ta gobierno no ta bai dreche niun porta.....
,
December 11, 2012
...
Hopiii tristo pa un tata para wak con su yui homber ta worde deteni pa delictonan pisa cu su yui joven ta worde acusa di dje. Sigur cu e tata aki a purba di cria su yui bon pero mescos cu tur mayor na momento cu bo no por tene man di bo yu y cana hunto cu nan mas y bo ta perde nan for di bo bista bo tin cu pidi y roga na Señor pa guia y wardanan di tur malo cu nan por encontra riba nan caminda.
,
December 11, 2012
...
Outstaning Job, to the Police force of Aruba. Sigui asina i detene tur e l****nnan, illegal nan, drogadico nan,matador nan. Sera nan i duna e familia un bon boet di nan ta menor di edad. Job well done.
,
December 11, 2012
...
Bunita cas, no ta parse cu e ta pasa den necesidad. Sigi studia, traha pa bo jega na algo, honestamente gana, cu ta di bo mes un sodo. Bo ta simplemente un criminal local.
,
December 11, 2012
...
Un trabao sublime di arrestatie team y sigi kita e siberguenza nan aki for di ariba caya two thumbs up. Ban spera cu Juez sa valora boso bon trabao tambe y duna e desgr...nan aki castigo MAXIMO.
,
December 11, 2012
...e cos ki no tin nada cu aber cu extranjero of no!! ta hopi facil tira c*lpa riba otro maar sigur si ta bo yui lo a hasi bo lo keda boca sera niun hende no ta perfecto pa para huzga otro esey ta solamente trabou di dios.... anto tin hopi arubiano cu tambe ta tira piedra y sconde man !!! 
,
December 12, 2012
Duna Comentario y/of Comparti riba Social Medi |
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
 (Large).JPG "album.JPG")
Mustra/Kita e formulario di comentario
