Saturday, 20 December 2014
Comisario Vanessa Kock: Polis por ta keto, pero tin investigacion di delitonan grandi cometi Print E-mail
Tuesday, 11 December 2012 21:37
Comparti

IMG 3452 (Medium)

Autoridadnan di Aruba a confirma cu diamars den oranan di madruga a tuma luga un razzia durante cual a detene un homber sospecha di ta envolvi den delitonan pisa cu a tuma luga simannan na Aruba. Den combersacion cu Comisario Vanessa Kock, el a confirma cu den oranan di madruga Team di Aresto y Atraco Team a detene un persona, pa posesion di arma.  E ta un persona cu ta wordo considera un conocido di Polis, ya cu e tabata envolvi den pasado den diferente tipo di caso manera robo di auto, atraco y inclusive posesion di arma. Awor e departamentonan concerni ta bay investiga den kico mas e persona aki por ta envolvi mirando cu el a wordo haya cu un arma. Comisario Kock a splica na mesun momento cu Cuerpo Policial a bin ta confisca diferente tipo di arma den casonan cu nan ta investigando. El a enfatisa cu no ta tur informacion por wordo duna na pueblo, e.o. e confiscacion di armanan, pasobra mester wak si e no ta afecta e investigacion. Na momento cu e caso ta cera, por duna informacion sin problema. Kock tambe a bisa cu tradicionalmente luna di December ta un luna masha druk pa Polis, pa investigacionnan cu tin andando. Den cuadro di esaki, Mando Policial prome cu luna di December ya caba a bini cu un plan di accion pa bini cu plan mas duro den e luna aki. Mester parti nan capacidad na un forma mas eficiente pa evita delitonan of atende cu delitonan cometi. Relaciona cu e ultimo caso di atraco,cu por afecta di turismo di Aruba, autoridadnan a sinta na mesa cu AHATA, Gobierno y hefenan di Cuerpo Policial pa mira kico pa haci, pa por atende e casonan aki di e mihor forma.  E ta admiti cu nan tin varios caso di asesinato cu nan ta trahando ainda riba nan, pero ta kere cu por yega na soluciona nan. “Nos ta yegando na un solucion pa cada un,” Comisario Kock a enfatisa. Y a agrega cu lo bay tin varios ta bay cay relaciona cu e diferente casonan cu nan ta investigando. E no por duna mucho detayes di casonan cu ta wordo investiga, pero si cu e no ta un combinacion di local, stranhero biba aki y otronan cu ta bini specialmente pa comete e delitonan. Na mesun momento el a pidi comprension di parti di comunidad pa control cu miembronan di Cuerpo Policial ta tene riba caya. A papia di cierto tipo di autonan cu ta wordo uza pa comete delito cu lo bay wordo para pa control. Kisas e persona den e vehiculo no tin nada di haber cu baho mundo, pero e ta simplemente un tipo di control preventivo.

Comentarionan (1)Add Comment
RSA
December 12, 2012
201.229.24.84
Votes: +6
...

Marcanan den boso agenda y avisa pueblo unda nan ta biba y ki ora nan ta sali di prison ; pa estranhero tin un recept : DEPORTANAN

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter