Saturday, 25 October 2014
Benny Nisbet (PPA): “Gabinete Mike Eman a perjudica pueblo di Savaneta tambe !!” Print E-mail
Tuesday, 11 December 2012 22:40

Benny Nisbet003

Siman pasa gabinete Mike Eman a larga worde publica cu e Edificionan bieuw
cu antes tabata John F. Kennedy School lo worde drecha y worde reconstrui den
un complex moderno destina pa Departamento di Ensenansa combina cu un
Auditorium dedica na x presidente John F. Kennedy q.e.p.d. un projecto cu lo sali
30 million florin.

Partido PPA ta consciente cu departamento di Ensenansa ta reparti den varios
sector cu ta ubica den diferente edeficio y No tin nada contra cu gobierno ta
busca pa pone TUR bao di un solo dak. Sinembargo PPA ta lamenta cu Gabinete
Mike Eman ta bolbe ‘presta’ un idea di PPA y ejecutele na otro sitio.

Den programa di PPA nos a papia di un “Centro di Ensenansa” y PPA ta propone
pa construi esaki den e pueblo di Savaneta. Pakiko ?

Savaneta ta un di e districtonan mas ‘bieuw’ di nos pais !!

Savaneta tabata e ‘prome’ capital di nos Isla !!

Savaneta su pueblo tin un contribuiccion positivo na historia, cultura etc di nos
pais !!

Pesey PPA kier a honra e pueblo di Savaneta construyende un “Centro di
Ensenansa’ na Savaneta. E centro di Ensenansa den concepto di PPA lo por a
consisti di y PPA ta cita for di nos programa pa eleccion 2009 :

*** “ CENTRO DI EDUCACION ENSENANSA

24. Realisando e importancia di ensenansa y cu e meta firme di hasi ensenansa
prioridad no. 1, PPA teniendo cuenta cu varios sector encarga cu maneho
di Ensenansa ta ubica den un variacion di edificio, PPA kier rectifica esaki,

construendo un Centro di Gobernacion, dedica na Ensenansa, pafor di
Oranjestad. PPA ta kere cu un Centro asina lo por worde construi na Savaneta. E
Centro aki lo consisti di un streya riba tereno na unda den cada punto di estreya
lo bin un Edificio pa un sector den Ensenansa y meimei di e strea lo tin lugar di
staciona auto, mientras e parti central lo ta un parke/ of un plaza. E vision di
PPA pa cu esaki ta ensera e.o.

A. Edificio pa Ministerio di Ensenansa y departamento nobo di Inspectoria di
Ensenansa.

B. Un edificio pa departamento di Ensenansa den su totalidad e.o. sectornan
di ensenansa manera ICT, Curriculum, Desaroyo professional, Maneho y
investigacion , Scol laboratorio, Educacion pa Adulto.

C. Posiblemente un instituto di idioma na nivelo Academico y HBO tambe lo por
worde ubica den e Centro di Ensenansa cu PPA kier larga construi.

D. Finalmente PPA ta kere cu un Bibliotheca Nacional modern lo por pas den un
Centro di Ensenansa aki debidamente.

E. Tambe den cuadro di e Centro di Ensenansa, PPA su maneho ta pa crea
posibilidad pa gobierno pa medio di e Centro di Gobernacion pone espacio
disponibel na fundacionan cu ta labora riba tereno di ensenansa di nos pais. “

Awor pueblo por nota cu gobierno di AVP a tuma parti di e idea di PPA pa crea
un Centro di Ensenansa na Savaneta y construyele na Oranjestad den e Edificio
bieuw di JFK……Otro projecto cu ta bai Oranjestad y maneho di AVP ta ensera cu
masha poco ta permiti pa sali pafor di Oranjestad y bai pa otro districtonan.

Aki un idea di PPA lanza pa duna un recoconocimento na e districto di
Savaneta a worde ‘parcialmente’ presta….pa no usa otro palabra y aplica na
Oranjestad atrobe. PPA ta lamenta e mentalidad pober di AVP cu ta na defense
di Oranjestad so y masha poco ta dedica atencion serio na otro districto….a lo
menos hopi fuera di balance cu locual nan ta inverti na Oranjestad.

p.e. districto di Noord tambe a worde seferamente perjudica. E mocion di
PPA den parlamento pa duna Noord un projecto ‘Mavo-HAVO-VWO” a worde
unanimamente accepta den parlamento. Ora e fondo tabata cla gobierno a
cambia y gobierno di AVP a para e projecto aki y a usa e fondo den inversion di
e ‘Tram’….(ambos vision/idea di PPA!!!), pero nos NO ta kere cu otro districto
mester worde perjudica dje e forma aki !!!!

Bao gobierno di AVP 750 million florin ta worde inverti na Oranjestad….masha
poco den otro districto p.e. San Nicolas lo ricibi mas o menos un 25 million
florin….Savaneta menos ainda y otro districtonan masha poco mes….Esaki ta AVP
pabo….. Pero ora di paga e DEBE NACIONAL cu AVP a crea di 900 million florin e
pueblo den TUR districto lo bai paga esaki …..ni maske NO tin inversion of masha
poco den nan districto …..esey ta e realidad.

Awor PPA ta comprende cu Oranjestad ta nos capital…..y nos PPA ta orgulloso
di nos capital y ta kere cu e merece un bon inversion mirando con el a bai atras
den curso di ananan….PPA tin varios articulo dedica na esaki, …..pero PPA ta di
opinion cu mester tin un presupuesto ‘balansa’ di inversion den TUR districto
di nos pais……Kada districto tin su necesidadnan y kada districto por ricibi un
reconocimento dentro di e maneho di reparticion di inversion.

Comentarionan (4)Add Comment
Ban serio
December 12, 2012
201.229.11.111
Votes: +2
...

Bennitji ta purba pega un coi kens atrobe

Mojendi
December 12, 2012
31.151.210.190
Votes: +2
...

Boso ta lubida cu e ta savanetero??? (sabanetero).

asm
December 12, 2012
201.229.19.80
Votes: +1
...

Mi no ta comprende Sr. Nisbet.Ultimo tempo cada bes Sr. Nisbet ta bisa cu e gobierno aki ta "horta of presta" ideanan di PPA den forma negativo. Sr. Nisbet, bo no ta den gobierno pa basta anja kaba,dus bo mes no por realisa bo idenan, pero toch si ta idea di PPA nan ta, sea contento cu e gobierno ta ehecute, sea positivo. Di con mester critica semper??

proudaruban
December 12, 2012
89.98.58.147
Votes: +4
...

PPkiko?? Centro di ensenansa na Savaneta? uhm you are joking right?
Cu Savaneta ta un dorp biew y tawata e capital,so what?Asina mes, e tawata. E ligging di Savaneta no ta handig.Un afdeling asina importante mester ta serca di otro afdeling nan y no den mondi fierno.
Tur pais rond mundo tin nan centro y nan hoofdstad no por nada,pero pa tur oficina nan importante ta serca di otro,pa asina tur proceso bai mas liher.Y pa e pueblo no mester kore rond di Aruba mane loco ora mester regel kos, pero por regel tur kos lihe.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter