| Accidente entre Nissan y Tractor na San Nicolaas |
 |
 |
| Wednesday, 12 December 2012 09:24 | ||||||||||||
 Diaranzon pa mas o menos 7:30am a sosode un accidente peculiar entre un Nissan Tida y un tractor cu tabata coriendo riba caminda publico. E auto Nissan tabata bayendo abou ora cu e tractor a sali crusa su dilanti na e crusada di Bernhardstraat y Caya Corsou. E chauffeur femenino di e Nissan a brake pero debi cu e caminda tabata muha, el a slip bay dal den e tractor.
E Nissan Tida a keda completamente destrui y e pasahero den e auto a resulta levemente herida, pa cual ambulance a yega mesora pa brinda asistencia. Tanto e chauffeur como e pasahero a bay IMSAN pa tratamento medico debi cu e chauffeur tabata keha di basta dolor di pecho, despues cu e airbag a sali y dal'e basta duro eynan. No ta conoci si e tractor ta sigura, debi cu nan no tin plachi di number y de facto no ta forma parti di nos trafico. E ta un asunto cu ta tolera pa hopi aña, te ora cu algo asina sosode. Probablemente e compania doño di e vehiculo di trabou lo mester para responsabel awor pa tur gasto relaciona cu e accidente.
Comentarionan (1)Mustra/Kita comentarionan ...
awe si, si mi auto no ta gekeurd nan ta kita mi auto foi mi, si ami no tin seguro mescos si ami no tin nummer plaat paga tambe ajo auto. i tur e tractor nansi por subi kaya manera nada ta pasa. pesei e isla aki ta keda menra e ta. small pami hancho pa otro. si e seniora a muri den e acident aki ta ken ta responsabel?? mas tanto polis paso nan ta laga e heavy equep. aki kore riba nos cartera sin niun pepita di documento. si ami sali ku mi crossbike foi mi hanchi pa bai core den mondi nan ta kita esei foi mi... ta unda nos ta bai asina.
,
December 12, 2012
Duna Comentario y/of Comparti riba Social Medi |
Mustra/Kita e formulario di comentario
