| Hyundai a dal tras di Mazda |
 |
 |
| Thursday, 13 December 2012 08:14 | |||||||||
 Diaranson algo pasa di 11or di anochi na altura di Wa-Yang Food Mart dos auto haya nan mes envolvi den accidente. Ta trata aki di Mazda cu number A-35695 y Hyundai A-8302 ambos maneha pa chauffeur femenino.
E Mazda diripiente a baha velocidad pa bay lora pa para dilanti di e food mart sin tene cuenta cu su tras tin auto. E chauffeur di e Hyundai no por a para na tempo a bay dal tras di e Mazda. Daño tabata limita na e bahul di e Mazda, e Hyundai no a haya hopi daño. E chauffeur di e Mazda cu a caba di traha y tabata rumbo pa cas a sinti su nek y lomba pero nada di gravedad.
Comentarionan (1)Mustra/Kita comentarionan ...
Shonnan den e dianan aki di fiesta ban pone hopi mas atencion ariba trafico na Aruba. Ya tin demasiado accidentenan fatal e aña aki lagando hopi famia atras de tristeza. Mantene distancia, pone na tempo bo señal si bo ta bai bira, usa bo spielnan cu tin den y pafor di bo auto, anticipa na tempo kico e chofer dilanti y patras di bo posiblemente tin pensa di hasi, regula bo velocidad, bisti bo safety belt tur momento, corda cu gasolin y alcohol no ta combina at all, etcetera. Ban spera cu un y tur respeta reglanan di trafico pa por lo menos nos por tin un fin di aña alegre y sin tristeza pa motivo di un accidente di trafico fatal y sigui cu esaki tambe durante e lunanan y añanan nos dilanti. Bida ta dushi y corto pesey ta recomendabel pa un y tur goza hopi di dje na un manera sano y sin causa tristeza den famia.
,
December 13, 2012
Duna Comentario y/of Comparti riba Social Medi |
Mustra/Kita e formulario di comentario
