Saturday, 25 October 2014
Comisario Trudy Hassell: Hopi consumo di alcohol pero menos boter laga atras riba caya Print E-mail
Monday, 07 January 2013 21:35

Trudy Hassell003

Den combersacion cu Comisario di Polis Trudy Hassell, el a duna di conoce cu Polisnan a constata cu durante e parada di Fakkel e consumo di alcohol tabata hopi halto. E funcionario policial a splica cu for di momento cu nan a haya e informacion cu e parada lo bay conta cu mas di seis mil participante, nan tabata sa cu e lo no bira un parada facil pa Cuerpo Policial handle.

E problema, na opinion di sra. Hassell, ta cu e prijs di participacion pa fakkel ta hopi abou ta habri caminda pa hopi mas hende participa. Pero tambe e consumo di alcohol tabata sumamente halto. Di otro banda e tin elogio pa e gran mayoria di esnan cu a participa den e parada cu a sa di comporta nan mes. "Pero semper tin un grupo cu ta los laga bay, y ora cu nan laga bay, ta falta tur clase di respet y ta lubida cu tin cu tene cuenta cu otronan. Esey ta loke nos a constata durante e fakkel optocht," Hassell a comenta. E anochi ey a detene en total dies (10) persona cu a paga en total 2800 florin na boet, pa nan por a bay liber. Despues a detene 9 hoben cu tabata envolvi den un pelea na un cas di famia. E grupo aki si a keda deteni e anochi ey. E aspecto di alcohol ta un asunto dificil, na opinion di Comisario Hassell. "Pa loke ta e aspecto di alcohol, nos por keda papia di awe te mayan, pero aparentemente pueblo no ta compronde cu alcohol no ta necesario pa pasa bon. Tin e nocion straño na Aruba cu si no tin alcohol tur cos ta laaf. Mi ta perdiendo speransa cu door di papia di alcohol por mininamlisa su efecto." Lamentablemente, segun Comisario Hassell a declara, ta ora cu algo malo pasa tin hende ta realisa cu alcohol no ta pa nan. Pesey e ta conseha esnan cu ta bay parada no cumpra asina tanto alcohol. Sra. Hassell a manda elogio pa e gruponan y publico, ya cu na final di parada a constata hopi menos boter cu añanan anterior. Pesey e ta apela pa otro parada, no bay cu botter y sigui den e trend ey. Nan ta preocupa pasobra boterl ta un arma peligroso.

Comentarionan (7)Add Comment
rock
January 08, 2013
201.229.27.218
Votes: +1
...

E letterhead kiermeen, sigi bebe y hiba bo botter nan cas of tiranan den bari di sushi.Ha,ha,ha.

bisa NO
January 08, 2013
86.83.228.1
Votes: +1
...

Nos por c*lpa henter mundo pero ta abo ta pone e alcohol den bo body. Mayornan ta keda responsabel pa e actitud y e buracheria di nan yui menor di edad. Graba tur e burachénan, tur esnan cu ta falta respet pa nan curpa y pasanan na tv. Berguensa lo pone nan cana straight.

luis hernandez
January 08, 2013
190.112.255.200
Votes: +0
...

e situasion ta alarmante,y no por c*lpa gobierno so,nos tur ta c*lpable,mester cuminsa na no bende ni alcohol ni sigaria na menor,manera na merca,cuminsa pidi i.d. y cu nan ta major di edad tambe,y concientisa pueblo cu mas charla y nos organisacionan tambe por aporta cu lecturanan sobre prome y despues ki consecuencia alcohol y droga ta laga,y manera mi semper ta bisa educacion ta cuminsa na cas.

Mojendi
January 08, 2013
31.151.210.190
Votes: -1
...

Mi ta di acuerdo cu comentarionan positivo y constructivo, manera tin un dicho cu ta bisa, pa gara e toro na su cacho, pero no manera hopi comentaristanan cu ta ataka e gobierno mes ora, en bes di ataka e berdadero responsabelnan, esta e organizadornan, y e mayornan.

johantromp
January 08, 2013
201.229.126.58
Votes: +2
...

Desde comienzo di carnaval na Aruba tin problema cu comportashon di juventud. Esaki ta bin door di majornan cu mester por kisiera purba controla cada ken nan yiu. Pero awo na Aruba tin caso caminda ta yiu mester controla mayor,i esaki ta un mal ejempel pa otro jovennan den grupo cu ta wak hende adulto ta hasi cos di kens i kere cu ta asina cos mester bai. Den tur esaki tog tin algu positivo, nan a bebe mas alcohol pero tog e campanja green di tene Aruba limpi di gobierno ta den nan cabez aunke con burachi nan ta.

cybereaaua
January 08, 2013
201.229.35.155
Votes: +1
...

MI ta full di acuerdo cu e comentario ariba, esta cu na Aruba mester mester por tin un tipo di control pa esnan cu ta minderjarig y cu ta bebe y abusa di alcohol. mester pone e ley funciona back cu tur hende mester por tin un tipo di I.D.(passport/rijbewijs/cedula, etc etc) y esnan cu no tine cune ta bai sera/boet vooral ora ta trata temporada di carnaval y campamento caminda e consumo di alchol ta skyhigh den nos juventud.Si na otro paisnan esaki por mi ta kere cu na un isla asina chikito manere Aruba nos mester por tambe.

Archimedesstraat 6
January 07, 2013
108.132.73.60
Votes: +4
...

Comisario Hassell. Verguenza pa habri e korant y mira kon e juventud a portanan mes ayera den Fakkel optocht. E optocht no ta e problema, ta e juventud ku ta provecha di e ocasion pa nan bebe y bira sin respet.Mester pone lei y regla mas servero pa e juventud. Polisnan mester di ayuda. E mariniers nan, laga nan yuda e polis nan. Nan no mester di carga ningun arma, nan mester check under age drinking. Si ta sospecha ku tini mucha underage den e juventud of mas di e kantidad acepta pa carnaval,nan mester comunica polis, anto mester check nan out y benta e alcohol afo y duna nan boet. No ta aceptable pa mira kon nan a portanan mes ayera. Ami ta biba na Florida y ta lesa 24ora tur anochi, mi a keda masha sorprendi di loke mi sa lesa. SI awor kaba ta asina, ta kon lo bai di di e parada grandi mes.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter