| Varios herido grave den accidente frontal na Hooiberg |
 |
 |
| Thursday, 10 January 2013 22:11 | ||||||||||||||||||||||||||||||||||||
|
Diahuebs anochi den careda di 10or a sosode un accidente hopi grave na Hooiberg. Un auto Santa Fe y Camry a dal fuertemente frontal den otro. Varios ta e heridonan den e Camry di cual e chauffeur a keda pega. E prome informe a drenta di un accidente pisa pasobra a tende un klap masha fuerte mes. Mesora polisnan cu tabata cerca a sali cu urgencia pa e sitio. Ora polis a yega mesora a pidi ambulance cu urgencia y ekipo di rescate. Nan tabata tey rapidamente na e sitio y a cuminsa cu e rescate. Varios ta e unidadnan di ambulance cu tambe a yega. Mientras cu personal di bombero tabata tratando pa corta e Camry pa saca e chauffeur e personal di ambulance a sigui atende cu e demas heridonan. Varios mucha tabata sinta patras di e Camry y tabata herida y basta spanta. A-50943 ta e Camry y A-5406 ta e Santa Fe. E Sante Fe tabata tin solamente e chauffeur den e auto y algun hende tabata papiando cune pasobra el a dal su curpa duro tambe den stuur. Polis a sera henter e area mesora pa investiga y pidi tur hende bandona e sitio.
|
Mustra/Kita e formulario di comentario
