Saturday, 26 July 2014
Listramento preventivo den vigor pa e ultimo fin di siman di Carnaval Print E-mail
Friday, 08 February 2013 11:53

pelea y polis den accion na esso ville valero 1

Asina Parada di Luz a yega su fin e dos unidad di Riot Team a subi caya core ful e ruta. Aki aya a bin encontra algun punto di atencion unda a listra preventivamente. Na Valero Essoville un grupo a keda listra ora nan tabata haci algun movecion straño. A resulta cu lo tabata buscando un yabi di un vehiculo pero e situacion a mustra sospechoso. Polis aki a listra tur hende pa arma y droga pero no a haya nada riba nan. Un situacion similar tabata banda di Brian Auto Parts ora a haya tip cu lo tin un pelea di pareha y amigo cu a bay for di man. Riot Team, Polis Uniforma y CEA a mobilisa mesora top cu un grupo di hoben. Aki tambe a listra tur hende y tambe den auto pa articulonan prohibi. Manera ta conoci caba Polis lo listra preventivamente durante tur evento di Carnaval na San Nicolas y Oranjestad. KPA lo actua strictamente durante e ultimo fin di siman aki pa garantiza seguridad riba caya. Manera a bira custumber tur Carnaval, Ministerio Publico ta sostene Zero Tolerancia di KPA cu su maneho Faya bo Haya. Den cuadro di e accion di listramento preventivo KPA ta autoriza pa para hende na manera arbitrario riba caya y listra nan pa arma na nan paña. KPA ta tambe autoriza pa listra autonan y otro vehiculonan pa arma. Ademas KPA ta autoriza pa pidi pa habri cahanan, tasnan y otro pakinan pa listra pa arma. Ministerio Publico a autoriza KPA pa por haci esaki y na su turno, Ministerio Publico a pidi e autorizacion aki na Huez Comisario.

album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter