E Parada Grandi di San Nicolas no a bay sin su detencionnan. Apesar di un publico grandi cu a sa di comporta nan mes banda di caminda toch tabatin algun appel pudri. Aki Riot Team a pone cabes di tur esnan cu a kere di ta riba ley na waterpas. Esaki tabata exactamente e caso cu un pareha di amigo riba Pastoor Hendrikstraat.

Un hoben masculino a bay lanta contra Riot Team haye mal serbi. E Polisnan dibiaha a detene y bay cune den van di CEA. Den esey e amiga di e mucha homber a bin cuminsa grita Riot Team pa lague den libertad. A pidi e hoben comporta su mes pero no kier a tende. Riot Team a detene e hoben tambe y ambos a caba na Warda di Polis. Mas den atardi dos otro detencion a cay pa mal comportacion banda di e ruta. Den lastlap un homber a caba tras di tralies ora a bebe dimas y no tabata bista. E la keda cay riba caminda y Polis mester a yude subie den auto di CEA cu a transporte pa Warda di Polis. Detencionnan a keda cay te despues di parada ora un hoben pata pata burachi a haya un cuarto pa sosega su curpa na Warda. Tambe un grupo di hende a lanta contra Polis ora a pidi pa paga musica bay cas. Nan a nenga hisa man pa Polis.

Total den Parada Grandi di San Nicolas relaciona cu detencionnan basa riba "lik op stuk" beleid of comunmente yama "faya bo haya" 14 persona a keda deteni, edadnan ta varia entre 15 cu 54 aña. Mayoria ta hende homber cu boetnan ta varia di 400 Florin pa 1750 Florin cu ta depende di e delito cometi.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi