Monday, 01 September 2014
Un average di 40 hende pa siman ta bay curso di rijbewijs di mas cu un anja caduca Print E-mail
Thursday, 07 March 2013 20:54

Ricardo Muller003

Na 2011 a bin cu un regla nobo unda esnan cu nan rijbewijs a caduca pa mas cu un anja por pasa un curso di dos dia, cada dia dos ora. A base di e curso aki ta haya un documento pa busca e rijbewijs na e bureau concerni. Anja 2000 mas cu 1000 hende mester a pasa e curso aki, y pa e anja aki ya caba tin basta hende cu a inscribi.

Inspector Muller a bisa cu hopi hende no ta revisa nan documentonan regularmente pa wak si nan ta caduca y ta laga pasa te hasta 8 anja cu rijbewijs caduca. E curso cu mester haci tin un costo di 125 florin y ta un proceso cu ta bayendo bon, pasobra como cu e ta un curso di refreshing di e leynan di trafico hopi hende ta keda contento pasobra tin reglanan cu nan por a lubida, ademas cu nan ta haya tur regla cu a bin nobo. Un average di como 40 hende pa siman ta haciendo e curso y segun Muller nan no por a pensa cu tin tanto hende asina cu tin rijbewijs caduca. El a bisa cu ta bon pa tur hende revisa nan cedula, rijbewijs y tur otro documento pa spaar tempo y placa. El a splica cu den e ley nobo cu ta data di anja 2000 core sin rijbewijs ta considera un crimen y tin hopi hende cu ta haya PV pa motibo di esaki. El a splica tambe cu e stranheronan biba na Aruba nan rijbewijs di nan pais mester ta bao un di dos convenio internacional cu tin, esun di Paris y esun di Ginebra. Si nan no ta bao ningun di dos mester pasa full e examen pa haya un rijbewijs di Aruba. Aworaki e examen por pase den e idiomanan Papiamento, Hulandes, Spaño of Ingles, es decir tin cuatro idioma cu por pasa e test aki.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter