Sunday, 23 November 2014
Serlimar lo recoge desperdicio di campamento na beach Print E-mail
Wednesday, 27 March 2013 16:29
Comparti
DSC_2063
SERLIMAR ta informa e pueblo di Aruba en general, en particular esnan cu ta campa, lo siguiente pa e siguiente fin di siman di Pasco Grandi:

Servicio di recoge despedicio na nos beachnan

E aña aki atrobe SERLIMAR duna e servicio di recoge na sitionan di campamento. Esaki ta ensera tur beach unda cu Cuerpo Policial Aruba a duna vergunning pa campa. Serlimar lo duna e servicio aki na bienestar di comunidad entrante diabierna 29 di maart te cu dialuna 1 di april den oranan di mainta.

Na tur esnan cu ta bai campa of pasa dia na lama, por fabor percura pa tur desperdicio ta poni na ordo, preferibelmente den saco di plastic sera, pa nada no bula bai. E trucknan ta pasa durante oranan di mainta, pues prepara e desperdicio canto di caminda prome cu 8.00 am pa Serlimar recoge.

Recogemento na beachnan “Pariba” y “Pabao” di Brug

Pariba di Brug lo recoge cuminsando for di Zwart Mangel (pariba di KIA) te na e ranchonan na Barcadera. Y Pabao di Brug lo cuminsa di Arashi te cu Nikky Beach/ Talk of The Town. Pa esnan cu ta bai campa of pasa dia na sitionan unda cu e trucknan no ta jega p.e. na cierto bocanan na e Noordkust of riba rif, por fabor tene cuenta cu bo persona ta responsabel pa e desperdicio produci y corda hibanan cu bo ora di bandona e sitio.

Por ultimo, SERLIMAR ta conta cu e cooperacion di tur persona cu ta campa of cu ta bai pasa dia na lama. Corda cu nos beachnan ta di sumo importancia pa nos tur. Un sano y felis fin di siman di Pasco Grandi na un y tur!

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter