Wednesday, 23 April 2014
Polis ta sigui bringa contra manehadornan bao influencia di alcohol segun Inspector Muller Print E-mail
Monday, 15 April 2013 20:09

Ricardo Muller

Den entrevista cu Inspector Ricardo Muller, hefe di trafico, el a splica cu aunke KPA ta respeta e decision di ministerio publico cu a laga den libertad e persona cu bao influencia di alcohol a dak riba auto di turistanan cu consecuencia fatal. Inspector Muller cu e mes, personalmente no ta di acuerdo cu e splicacion di ministerio publico y di parti di polis nan ta sigui bringa contra coremento di auto bao influencia riba nos camindanan.

El a splica cu pa anjanan tin palabracion entre ministerio publico y polis pa bringa coremento di auto bao influencia di alcohol, pasobra hopi biaha ora tin accidente riba caminda cu consecuencia fatal, sea cu e chofer tin of no tin falta, nan ta purba di wanta e persona cera te ora e caso bin dilanti. Inspector Muller a laga sa cu e polisnan cu ta trahando hopi duro cu control, ta desapunta pero nan ta sigui traha te hasta mas duro pa trece un senjal den comunidad cu coremento bao influencia ta un crimen y vooral si un victima perde su bida. E sa cu riba su mes cada caso ta diferente y pa hopi anja el a trata hopi caso trahando den departamento di trafico y cu diferente fiscal, y hopi bez nan ta tene un linea pa duna e senjal aki na comunidad, pero na final ta Huez ta determina si e persona ta culpable of no. Polis di su banda ta purba keda cla cu e process verbal pa e caso bin dilanti lihe. El a splica cu den e weekend tras di lomba tabata tin control di patruya motoriza y nan a detene 8 manehador bao influencia di alcohol, di cual un a pasa 5 biaha e maximo di e test cu ta 220 y e tabata 1250 ora el a supla. Otro manehador cu tambe a ser deteni tambe tabata core hopi bebi cu a bay dal contra diferente palo di luz. El a keda cera y su auto confisca. E kier pa pueblo compronde cu ora un manehador ta bao influencia di alcohol e no ta su mes, den sentido cu e no por mira bon, no por midi distancia entre su auto y otro auto, y su reaccion ta mas slow cu normal, y no por brake na tempo.

Comentarionan (8)Add Comment
patapata
April 16, 2013
86.83.228.1
Votes: +0
...

Sapato a pas hopi hende haha..Ta responsabilidad di cada ken di mantene nan mes na ley, tur ley di bida. Cuida bo mes y stop di hasi shisheria di mustra dede riba otro. Get busy...

De Waarheid
April 16, 2013
201.229.67.32
Votes: +3
...

Bon dia meneer Muller, mi ta hanja hopi bon cu bo ta papia bo mente.
Na Aruba nos tin demasiado hende especialmente nos politiconan cu no tin "Wesu di Lamba".
Amigo Muller bo ta mustra hopi clase dor di duna bo opinion personal sin sconde e berdad.
Hopi hende por senia di bo especialmente nos politiconan.

E berdad!
April 16, 2013
201.229.37.230
Votes: -2
...

No ta paso e tabata bou di influencia e a causa e accidente, ta e otro chauffer a bira su dilanti sin wak cu e otro tabata biniendo cu voorrang. Tin prueba concreto pa esnan cu kier sigui ataca e persona cu e no ta c*lpabel. Dus please cuminsa duna noticia corecto, na luga di pone otro personanan y nan famia bira victima di noticia incorecto.

Biba Aruba
April 16, 2013
201.229.124.117
Votes: +5
...

Enves di combati marihuana nos mester stop di bende alcohol..paso si nos mira bon ta alcohol ta e diablo mas grandi di nos pais cu ta causa accidente y e alcoholista ta sconde tras di dje paso ora cu e comete un crimen e pober no sa nada...pica...Stop di bende alcohol...

Pueblo na Pecho
April 16, 2013
80.56.81.30
Votes: +3
...

Polisnan ta traha duro pa kita e manehadornan bou influencia di alcohol foi caminda, anto di otro banda hues ta mandanan cas bek, sin concecuencia pa nan.Bunita no? E ley ta bon hinka den otro pa un of pa e otro. Cambia ley.Unda nos ta bai asina.

pornada
April 15, 2013
201.229.11.194
Votes: +1
...

Huez ta sera esun cu e kier,si bo ta pober bo ta keda sera i si bo tin placa i ta casa cu famia cu e hendenan di Giselle nan ta lgbo bai.Bebe i core auto burachi i mata hende numa i zorg pa bo ta hende di placa si,increible con e leynan di aruba ta

oiw
April 15, 2013
201.229.37.229
Votes: +4
...

Bon nochi mi ta kere mester cuminsa pone polis controla tambe banda di Pova anto wak cuanto polis lo supla 220.

oiw
April 15, 2013
201.229.37.229
Votes: +10
...

Bon nochi insp bo mester pone nan controla tambe riba e caminda saliendo di pova mes anto wak si ta keda 1 polis pa mainta pa traha anto e dia ey nos por bisa nos ta bezig ta bibando riba un pais husto,pa polis tur cos ta posible,por core cu auto no ta gekeur,por core cu glas full rond preto preto number no ta paga tur cos por asina nos ta bira mescos cu otro paisnan

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter