Wednesday, 01 October 2014
Noticianan di asistencianan policial Print E-mail
Thursday, 06 June 2013 19:26

korps aruba01

Homber maltrata pa tres persona
SALIÑA—Asistencia di polis a wordo pidi diamars 05.00 na un trailer na Saliña, na unda tres persona a maltrata un homber cu arma. Eynan polis ta topa cu e homber L, cu un herida na su wowo drechi y tambe e tabatin un kap na su cabes. E ta bisa polisnan cu e ta cuida un trailer pa su doño.

E hombernan conoci di polis , R.W. R.C. y e muhe di R.C. a bringa cun’e y a maltrat’e. Segun e ta bisa cu un di nan a dale cu un opheto duro, cu a kap e na su cabes.  Despues nan a cana bay for di e sitio. L tabata keha di dolor y tabata sinti su cabes ta groggy. Personal di ambulance a hib’e poli pa tratamento.  Polisnan a bis’e pa den oranan di mainta e duna keho na warda di Recherche na Noord.

 

Toyota Yaris horta

 

TANKI LEENDERT—E homber S, diamars 07.30,  ta bay warda Polis di Shaba y ta duna keho di ladronisia di su auto Toyota Yaris A-37145 color blanco. Polis a tuma su keho.

Hopi biento a yuda ocasiona candela

ROOI BOSAL—Central di Polis a manda Patruya diamars 17.20,na un cas na Rooi Bosal pa  un candela di mondi. Eynan polisnan ta papia cu e homber F,kende a bisa cu el a bay kima algun blachi mata seco hunto cu hierba den un bari y e biento duro a manda e vlamnan y a kima un mondi grandi. E vlamnan por poco  a kima e muraya di su bisiña. F ta bisa cu e ta custumbra di kima sushi di cura den bari. Polisnan a papia cun’e  y amustre riba e consecuencia. Bombero cu a bin na e sitio a paga e candela.

 

Ladronnan a kibra windshield di auto

 

BLOEMOND—Asistencia di polis a wordo pidi diamars 10.26, na un cas na Bloemond pa un destruccion haci na un auto. Eynan polis ta papia cu e muhe B, kende ta bisa polisnan cu atardi el a sera su auto di huur V-4625 na yabi y mainta 03.30 e alarma a zona y el a wordo avisa pa e bisiña. Mainta e bisiña a lante for di soño y a bise cu nan a kibra e windshield patras di e auto. Recherche ta na haltura y polisnan  a tuma su keho.

 

Polis no ta topa cu choler agresivo cu cuchiu

 

ORANJESTAD—Asistencia di polis a wordo pidi diamars merdia 12.19, pa bay na haltura di won Boy, naunda tin un homber agresivo bou di influencia y tin un cuchiu grandi. Ta trata di e conocido choller Perez. Polisnan a bay na e sitio y a core difirente biaha rond den bisindario, pero no a topa cu Perez.

 

Dos ruman ta pleita y swa ta maltrata

 

JUANA MORTO—Polis di San Nicolas, ta haya yamada diamars 12.40 cu un mucha homber a yega cas tur bati. Relaciona cu e yamada Polisnan a bay na e cas na Juana Morto, Eynan polis ta papia cu e muhe A, kende ta bisa cu el a haya problema cu su ruman muhe na un cas na Tafelbergweg. E ta bisa cu despues di e problema el a cana bay, pero e casa di su ruman muhe a bin su tras y a dale cu mokete sera. Tambe tabatin un otro persona hunto cune, cu e no conoce, cu a dale cu palo na su curpa. Patruya a conseha A pa e bay Centro Medico pa tratamento y despues duna keho cu e raporta na warda di Polis na San Nicolas.

 

Ipad di turista ta disparce for di minimarket

 

PALM BEACH—Polis di Strand a bay diamars 17.58, na un highrise hotel, pa un asistencia. Eynan e turista E.A. naci na Estados Unidos di 46 aña ta duna keho di ladronisia di su I-pad, cu el a laga den e minimarket den e hotel un dia prome anochi. Polisnan a papia tambe cu e doño di e minimarket, kende ta bisa cu e turista a laga e I-pad,  pero e doñ a laga e Ipad den e minimarket na yabi. Mainta ora cu e turista a bin busca e Ipad, el a bay cohe pe, pero no a haye ningun caminda. Segun e doño a bisa cu el a laga e Ipad den e luga na yabi y a laga e yabi cerca e frontdesk. Polis a bay na frontdesk y papia cu e trahado, kende ta bisa cu el a pone e yabi den caha y no a saca e yabi, y esey por wordo confirma riba e camara cu ta 24 ora trahando.  Segun e guardia, e camara a wordo controla y a mira cu enberdad e yabi a keda den e cashi, te mainta ora cu e doño a bin busk’e. 

 

Muhe choler ta drenta cas na Kudawecha

 

KUDAWECHA—E homber A, diamars 14.30, a bay warda na Shaba, pa duna keho di ladronisia. E ta bisa polisnan cu e tabata drumi den su cas  y  a mira un muhe para den porta. El muhe a pidi’e placa y a coy su cartera den su man. A ta bisa cu den  e cartera e tabatn 50 dollar.  A a nenga di duna e muhe placa y a pidi’e pa dune su cartera bek. El a logra di haya e cartera bek for di e muhe y a hink’e den su saco di carson. Na em momento 10 dollar Americano a cay riba vlur y e muhe a coy e placa y tambe un flashlight y su holoshi y a core bay.  Dor di e bentana A a mira e muhe drenta den un auto preto cu tabata para ta ward’e. Segun A, e muhe ta un choller cu den pasado a bin su cas cu un tal R.W. y e ta sospecha cu ta

R.W tabata sinta warde den auto. Polis a tuma su keho.

 

Problema cu cacho cu a core Sali for di cura

 

ORANJESTAD—Central ta manda patruya diamars 20.05, na un cas  na Brusca pa un intermediacion. Eynan  e muhe C, ta bisa polisnan cu un cacho “pitbull” di bisiña a drenta den su cura y a bringa cu su cachonan y a morde uno.  Polisnan a bay na cas di e bisiña na Ponton. Na e cas, e homber U, kende ta doño di e cacho ta bisa cu su cacho accidentalmente a core Sali for di cura,ora cu e nieto a laga e porta habri. E tab bisa cu nan no sa Sali cana cune.  E muhe denunciante a mustra polis e “pitbull” cu a resulta di ta un American Bulldog masha lief y rustig. Polis a intermedia.

 

Hendenan haciendo oracion na Coco Beach

 

SEROE COLORADO—Polisnan a haya informacion diamars 20.38, cu na Ex Coco Beach supuestamente lo tin un grupo di hende ta  practicando actonan satanico. Eynan  polis ta topa cu un grupo di persona den kring ta resa. E hendenan supuestamente ta pertenece na un of otro misa religioso y no tabata molestia ningun hende. Polis a sigui cu nan patruya.  

 

Hobennan mala mucha ta sende mondi na candela

 

SAN NICOLAS—Polisnan ta bay diamars 21.35, na un cas na haltura di De Veerstraat, naunda un mondi a wordo sendi na candela. Eynan e homber R,  ta bisa cu e muchanan di su bisiña a sende e mondi na candela y e ta pensa cu ta intencionalmene.  Tambe  R ta bisa Polisnan cu e conocido cholernan Piraña, R. A. y  U.E. cada biaha ta drenta den e mondi pa huma nan droga.  E ta sospecha cu nan tambe cada biaha ta sende e mondi na candela. Polisnan a bay na un cas den Gravenhorststraat y ta topa cu e muchanan hunto cu nan tata. Polis a scual nan den presencia di nan tata.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter