Diamars atardi laat Polis y Ambulance ta haja notificacion cu un accidente lo a tuma lugar na unda cu un quadracer ta envolvi. Polis y Ambulance a bay den e direccion di e accidente cual tabata riba e caminda pa bay Boca Mahos pero sinembargo Ambulance no a logra yega na e sitio exacto debi na e caminda malo. A pidi asistencia di Brandweer cu tambe a yega na e sitio y a hasi un peticion na e Helicopter pa duna su asistencia. Na dado momento e patruya di Polis a logra yega na e dama cu tabata herida y a transporta e dama parti patras di e auto. Polis a logra di trese e dama naunda e Ambulance tabata pa asina por transporta e dama herida. Click read more pa mas imagen.
Anti-socialnan a drenta den e oficina di Pastoor Kraanwinkel School y a horta un cantidad di Laptop. E computernan aki a ser haya pa asina e muchanan por a cuminsa un aña escolar nobo trahando cu nan laptop. Esaki sigur ta un daño grandi pa e muchanan kende awor ta bay habri un aña escolar sin laptop pa asina nan por siña cune. Click read more pa mas imagen.
Dialuna marduga ta sosode un accidente grave na Sero Tijshie. E accidente aki ta laga un saldo di 3 herido y un persona cu a fayece na e sitio. Ta trata aki segun Cuerpo Policial cu e auto di e persona cu a fayece tabata biniendo di direccion pariba ora cu diripiente un 350 Z lo a bin dal frontal den e auto aki. E choque a hasi cu e persona cu a fayece a keda pega den e auto. E ocupantenan di e 350 Z a keda herida pero cu gravedad. Segun testigonan cu e 300 Z lo tabata pusta cu un otro auto cu a bandona e sitio. Tambe un V-wagen a ricibi daño material. Update:click read more pa mas detayes audio y imagen.
Awe madruga a tuma lugar un accidente den Ranchostraat, caminda un chofer lo a drenta den verboden cu su auto, pasa dal dos hende muher cu tabata den vecindario, bay dal despues den un porta di cas y kibra esaki y termina na dal un brommer tambe cu tabata para eybanda. Na momento cu e habitantenan di Rancho a tende esaki nan lo sali y a bati e persona aki malamente lagando e hende homber tur na sanger. E auto tambe lo a keda cubri na sanger. Ambulance a presenta na e sitio pa asina por a duna e homber aki assistencia medico. Click read more pa mas detayes y imagen.
Den fin di siman na altura di Brenchies a sosode un bringamento. E bringamento aki tabata bastante formal na unda cu varios persona a disidi di jama polis pa por bin atende e caso aki. Mucho detayes no ta conoci for di momento cu polis a yega na e sitio pero si nos por compronde cu un rato despues di e bringamento aki un persona a wordo deteni na Dakota. Polis a bay den direccion di Avenida Milo Croes y a hasi detencion di un caballero. Click read more pa mas imagen.
Den fin di siman un auto lo a perde control y ocasiona un accidente. Locual cu a pasa ta cu e manehador bou influencia di alcohol lo a lubida pa bira na su man links cu consequencia cu esaki a pasa den verboden y a bay pega den den un pida cu tin habri den e vecindario ey. Danki Dios cu no tawata nigun heridos serio y solamente un persona mester a wordu transporta pa hospitaal pa observacion. Polis tambe a presenta na e sitio pa asina saka for kiko tur por a pasa. Click read more pa mas imagen.
Den fin di siman un persona masculino lo a wordo maltrata cu biga y tambe lo a ricibi kap cu machete. E meneer a ki a ricibi tratamento medico y despues por a bay cas. Personal di Rode Kruis a transporta e meneer aki pa su cas, mirando e hecho cu no tabatin manera di yega su cas bek. Locual taba obvio serca e meneer aki cu e tabata ta keha di hopi dolor. Click read more pa mas imagen.
Den fin di siman net tegenover di ex House of Cheng un auto lo mester a perde control y bay pega den mondi. Segun version di testigonan cu aparentemente un Yaris v-wagen lo mester a sera e persona aki ariba e caminda principal cu consequencia cu e manehador lo mester a purba pa maniobra cu e auto pero sin resultado positivo door cu esaki a bay pega den mondi. Tristo ta cu tin tur indicacion cu e chofer aki mester ta coriendo bastante duro ariba e caminda principal mirando cu e no a haya chens pa primi brake mes y tambe kon leuw e auto a bay para den mondi. Click read more pa mas detayes y imagen.
Diasabra anochi e racha di accidente a sigi pero e biaha aki na Pos Chiquito. Na Pos Chiquito riba e caminda di paden un auto color preto cu tabata bayendo direccion TeleAruba a kita for di su banda di caminda y a bay riba e otro banda di caminda. Esaki obviamente ta hasi cu e la topa cu trafico di direccion contrario. Na e momento ey tabata un Lancer color geel cu tabata riba e caminda. E chauffeur a purba pita pero nada no a hasi cu e chauffeur di e auto preto a logra di bay bek riba su banda. Consequencia di esaki ta cu e autonan a dal frontal. Ambos chauffeur a keda bastante herida y dos Ambulance a bini na e sitio. Click read more pa un bista fotografico di e accidente aki.
Diasabra anochi tabata tin varios accidente serio. Un di e accidentenan tabata uno cu a sosode na altura di Arugas riba e caminda di Barcadera. Aki un van corra a accidenta cu un jeep Samurai. E danjo tabata considerabel y e jeep a keda mey mey di caminda. Den e accidente aki tabata tin mas cu un persona cu mester a bay Hospital. Nos tin etendi cu e personanan aki a bay Hospital riba nan mes. Click read more pa mas imagen di e accidente aki.
Diasabra anochi Polis y Ambulance ta wordo dirigi cu urgencia pa Pricesmart pa un accidente grave. Na yegada Polis ta topa cu un persona cu un auto a alcansa. Su situacion no tabata hopi grave manera cu a premira. Ora cu e persona a bay pa cruza e caminda dilanti di Pricesmart pa un of otro motibo e auto a alcansa e homber. E homber a haja algun corta na su cara y Ambulance a transporte pa Hospital pa ricibi tratamento medico. Click read more pa mas imagen.
Diasabra merdia asistencia di polis a wordo pidi na e establicimento di ICR Tech den John G Eman straat. Aparentemente lo tabata tin un problema andando den e lugar . Na dado momento despues cu polis a yega nan a pidi asistencia di un otro patruya pa asina yuda.Click read more pa mas imagen.
Diasabra merdia/atardi polisnan di Oranjestad tabata hopi ocupa pa haya 4 hoben cu tabata terrorisando e cayanan di Oranjestad. Aparentemente e hobenan aki lo mester a bringa, horta den diferente tienda y nan tabata arma cu arma blanco. Parti atardi polis a logra di mira e 4 hobenan pero nan a core bay. Despues di un busqueda chiquito a logra pone man riba dos di nan cu a wordo hiba warda di Oranjestad. Click read more pa mira e imagenan di serca. Rectificacion: E informe cu e hobenan lo a comete robo no ta correcto. Segun Cuerpo Policial ta trata aki di bringamento y posesion di arma blanco nan detencion ta.
Diasabra atardi Polis ta topa cu un manehador di scooter cu pa un of otro motibo a hala nan atencion. Na momento cu a bay over na controla e papelnan di e manehador y e scooter a bin tuma nota cu esaki nan no tabata na ordo. Polis a disidi na confisca e papelnan y a solicita un takelwagen pa bin busca e scooter. Mas despues nos por a compronde cu e famia di e manehador a logra di trese e papelnan necesario na e sitio pa asina e manehador por a sigi su caminda.
Redaccion di 24ora a combersa cu John Larmonie, vocero di Polis Interino pa tende un update pa loke ta trata e casi di amenaza di terrorismo contra e compania di utilidad Web. Un sospechoso a keda deteni y lo tin di enfrenta e acusacionan cu tin den su contra. Click read more pa asina scucha mas detayes tocante di e caso aki cu a yama bastante atencion den comunidad.
Recientemente a combersa cu Peter De Witte, alto-comisario di Polis. Aki e amplia tocante e deseo di Cuerpo Policial di Aruba di tin un "Officier van dienst" riba caya despues di ora di oficina pa asina semper tin un persona cu ta representa y dirigi Cuerpo Policial. Click play scucha mas detayes tocante di e aspecto aki.
