Durante cu patruyanan di Polis tabata core riba e careteranan di Aruba nan a dicidi di para un BMW cu naamplaat "Exotic". Polis tabata sospecha cu e chauffeur lo a pasa e nivel di alcohol y e test a confirma esaki. A detene e chauffeur dilanti di Botica Dakota.

Diahuebs marduga Polis ta haya notificacion cu aparentemente un auto lo mester a dal un homber y e ta tira banda di caminda na Ponton. Na momento cu Polis a yega e homber a lanta bula y a bisa cu nada no a pase. Ta mustra cu e tabata bou influencia di alcohol y e pega soño banda di e caminda principal.Polis a informe pa e busca un otro caminda pa descansa.

Despues di concierto ta hopi chauffeur a dicidi di subi caminda bou influencia di alcohol. Na altura di Aruba Entertainment Center Polis a para un auto maneha pa un chauffeur femenino.

Diahuebs mainta a sosode un accidente chiquito cu a bolter den un caso serio. Un chauffeur a dal tras di un auto di famia pero mirando cu no tabata mucho danjo e chauffeur a reverse pa sigi core. Den su intento di pasa na banda e la bolbe dal e mesun auto pa di dos biaha.

Diahuebs marduga Polis tabata tin nan man yen cu diferente chauffeur burachi. Na altura di Xeror na Playa tambe Polis a para un auto cu tabata sospechoso. Despues di a pone e chauffeur supla mester a detene esaki debi na e nivel di alcohol den su curpa.

E auto A-15711 pa 10 or di mainta tabata core riba caminda dilanti Texaco bai abou cerca di e rotonde. Un otro auto cu tabata bin for caminda di Setar pa Playa a subi e rotonde sin duna e auto preferencia.

Diahuebs polis a wordo yama pa presenta na e ex show room di Toyota patras di CMB na L.G. Smith Boulevard. E prome informe tabata cu tin ladronicia di kabel. Esnan cu ta atendiendo cu e edificio bashi a yega pa atende cu algun cos pa prepara futuro huurmento di un parti di e edificio.

Den ora di merdia un doño di cas canando den su Cura a ripara cu tin un caha fuerte den Cura di cas. Mesora el a yama polis pa asina nan bin tira un bista. Polisnan a yega y no a duda pa confisca e caha fuerte.