Wednesday, 27 July 2016
Policial
Dalmento di auto a caba cu dos detencion Print E-mail
Monday, 21 January 2013 02:31

Read more...

Chauffeur masculino na salida di un fiesta den El Gran Flamboyan na Kruisweg a haya su mes envolvi den accidente ora a reverse su Toyota Tercel bay dal den Chevrolet Aveo maneha pa Polis cu a baha Warda. E dalmento a sosode dilanti AIB Bank na e skina di ex edificio di Cuban's Cooking. E chauffeur su mecha tabata cortico a bay reclama e Polis bin haye den discucion formal.

 
Alcohol a paga lus di homber Print E-mail
Monday, 21 January 2013 02:29

Read more...

Na Salida di Flip Flop Polis a bin haya un homber benta den yerbanan no tabata na tino banda di e cura di Aeropuerto na Rotonde Las Americas. A yama Ambulance bin atende cu e homber y transporte pa Hospital. E homber a saca riba su paña y ta mas cu claro e homber a bebe di mas.

 
Brandweer pa corta boei di detenido Print E-mail
Monday, 21 January 2013 02:21

 

Read more...
Un dama cu a keda deteni durante e evento na lama, a topa cu malasuerte na momento di yega Warda di Polis na Shaba. Na momento cu a bay los e boei for di su mannan, e yabi a kibra den e slot. A opta pa pidi asistencia di Brandweer pa yega cu ekipo special pa corta e boei for di man di e señora deteni.

 
Bringadonan riba caya deteni Print E-mail
Monday, 21 January 2013 01:49

Read more...

Dialuna alrededor di 1or di marduga a sosode un pelea na altura di ex cas di Gobernador riba L.G. Smith Boulevard. Aki un grupo di hoben di Noord canando pa bay cas a topa cu un grupo di otro hoben tirando piedra riba nan. Aki a start un coremento pisa riba Linear Park, pa evita cu piedra ta alcansa nan. Algun di nan a dicidi di yama Polis, pero ora "Mobiele Eenheid" a yega, a start un coremento cu consecuencia cu a detene nan tur.

 
Chauffeur a bebe di mas y keda deteni Print E-mail
Monday, 21 January 2013 01:28

Read more...

 

Dialuna marduga homber tras di stuur di Toyota Stationwagon a haya su mes ta para pa Polis pabou di crusada di Adriaan Lacle cu L.G. Smith Boulevard. E chauffeur tabata asina burachi a kere hasta cu chansa Polis ta haci. A detene e chauffeur bou sospecho di stuur bou influencia. E auto a keda para banda di caminda dilanti edificio di Hits100 FM. E homber tabata fresco y nenga di haci malo.

 
E chauffeur aki mes a busca pa su diadomingo anochi daña Print E-mail
Sunday, 20 January 2013 23:11

Read more...

Diadomingo anochi un chauffeur di un pickup a keda deteni pasobra el a pasa den boca di Leon y demostra con iresponsabel e por core. Tabata na un accidente na Piedra Plat banda di Bright cu e chauffeur aki a pasa cu su pickup. Presente tabata tey polisnan motoriza pero tambe polisnan di trafico atendiendo e trafico. Na dado momento el a lora man drechi bai direccion Pavia. El a trot di tal forma cu e auto a sali cu velocidad masha duro mes y ta canta tire.

 
Un dama herida ora chauffeur iresponsabel a dal duro tras di su auto Print E-mail
Sunday, 20 January 2013 23:07

Read more...

Diadomingo anochi un dama coriendo cu su Auto KIA A-5642 a haya su mes envolvi den un desgracia sin spera. Un chauffeur cu tabata hole stinki di alcohol pero cu a scapa un test di polis a dal sin brake tras di e KIA. E homber tabata coriendo e auto Nissa A-10964. E dama chauffeur tabata para pa lora links na altura di Bright pa bai direccion Pavia. Na dado momento un impacto fuerte a manda su auto basta dilanti.

 
Choller a drenta den deposito di ex Top Cargo Print E-mail
Sunday, 20 January 2013 19:53

Read more...

Den careda di 1or di merdia polis a ricibi un melding cu tin dos choller ta hortando den deposito di ex Top Cargo. Banda di e deposito tin dos otro negoshi y nan alarma a bai on mesora. Polis a yega na e sitio pero no a logra haya e dos chollernan. Segun testigo ta trata di un choller cu un pechi di rasta y e otro e no por a mire mucho bon. Nan tabata carga un saco grandi preto cu varios material di e deposito.

 
Supuesto tiramento den area di Young Fellow Print E-mail
Sunday, 20 January 2013 19:48

Read more...

Varios unidad di polis a bai den e area di Barcadera pa atende cu un caso unda a scucha tiro. Parce mas trempan tabata tin sonido straño caba. Na prome instante tabata papia di pagara. Mas despues den oranan di mey anochi a drenta informacion cu e scucha cuater tiro den mesun area. Polisnan a bai den auto y motoriza pa cuminsa cu un buskeda. E buskeda no a duna resultado pasobra esun cu a los tiro lo a baha na awa caba.

 
Dama ta perde control y causa accidente cu hopi daño material Print E-mail
Sunday, 20 January 2013 19:43

Read more...

Diadomingo atardi, riba e caminda di Santa Helena, banda di King Ribs a sosode un accidente. Un auto Toyota Rav4 maneha pa un dama, direccion pa Santa Helena Straat a perde control baha caminda na su man drechi bay dal riba un Chevrolet Saturn SKY cu ta para banda di caminda. E impacto ta asina fuerte cu el a move e Saturn Sky y bay pega riba e Honda CR-V cu tambe ta para banda di caminda.

 
Ladron busca haya pa polis Print E-mail
Sunday, 20 January 2013 17:32

Read more...

Diadomingo den oranan di mainta un patruya atento a pone man riba un ladron busca pa polis. Net nan tabata bezig cu un caso di chollerhouse na candela den area di Island Finance den Emanstraat. Mientras cu nan tabata bezig a mira e conoci di polis Richard Bikker. Mesora a bai detene pasobra husticia tabata tin mester di dje pa diferente caso di ladronicia. E polisnan a pidi pa dogcatcher y asina a hiba e sospechoso Sta Cruz pendiente e investigacion. Pa loke ta e candela mes e bombernan a logra domina esaki sin problema.

 
Ainda tin automobilista no a custuma cu e cambio Print E-mail
Sunday, 20 January 2013 15:46

Read more...

Den Oranjestraat ainda tin algun chauffeur cu no sa cu e caminda a bira di dos direccion y cu no por staciona na ningun banda di caminda mas. Diadomingo Polis a interveni pa un auto laga pa su cuenta pariba di Censo. Antes por a para auto eynan. Dor cu no por a haya e doño, Polis a opta pa takel e auto bai cune.

 
Accidente a caba cu dos detencion ora a dal Polis Print E-mail
Sunday, 20 January 2013 11:58

Read more...

Diasabra anochi algo pasa di 8or patruya di trafico a bay atende un accidente cu dos auto envolvi na Madiki pero algo a bay robes cu un señora chauffeur di Chevrolet cu tabata bou influencia di alcohol a haya ta bon di bay pusha y dal Polis ora a bay boei e señora. E pareha di e señora a yega busca problema tambe y mesora Polis a yama pidi pa refuerzo cu urgencia.

 
Accidente a caba cu dos auto confisca Print E-mail
Sunday, 20 January 2013 11:53

Read more...

Riba e crusada di Mamoticastraat cu Scopapelstraat na Tarabana dos chauffeur a keda sin nan auto despues di ta envolvi den accidente. Tabata algo pasa di 3:30 di marduga ora e auto color blauw cu number A-30781 a dal den e auto color blanco cu tabatin abordo un señora y mucha chikito.

 
Chauffeur a plama Vitz den cura di cas Print E-mail
Sunday, 20 January 2013 11:52

Read more...

Diadomingo marduga Polis a bay atende cu chauffeur di Toyota Vitz cu a bay pega den cura di cas na Angochi. Pa motibonan desconoci e chauffeur lo a perde control tras di stuur. Un pasahero abordo e Vitz a sinti su pia pero no tabata desea di asistencia di Ambulance. Daño material na e auto y cura di cas ta basta. Takelwagen a keda di bin saca e auto pa bahe na cas di su doño.

 
Duna lift keda sin yabi cas Print E-mail
Sunday, 20 January 2013 11:52

Read more...

Diadomingo marduga alrededor di 3:35 Polis a bay Tanki Leendert pa topa cu chauffeur cu supuestamente a bira victima di atraco banda di Betesda. A topa cu chauffeur di Hyundai Santa Fe cu a splica e la bay duna un desconocido lift y ora a baha esaki banda di Seroe Patrishi a sinti mesora falta di su yabi cas. E homber lo a drenta mondi banda di Sero Patrishi y perde den scuridad. Polis a busca den bisindario sin por a topa cu e homber sospechoso.

 
<< Start < Prev 511 512 513 514 515 516 517 518 519 520 Next > End >>

Page 516 of 960

Connect with Us

Newsletter