| Parlamentario Clarisca Velasquez Pabien na tur nos hende muhernan riba nos dia! |
 |
 |
| Wednesday, 07 March 2012 08:50 |
 Diahuebs awor dia 8 di maart 2012 mundo henter ta celebra 101 anja cu nos hende muhernan a busca nan derecho y a percura pa nan wordu respeta den tur forma! Dia international di hende muher a wordu reconoci y ratifica pa nacionnan uni y na Aruba tambe nos ta orguyoso di tur locual nos hende muhernan a logra!
Nos hende muhernan a demostra cu nan ta destaca riba diferente posicion clave den nos comunidad y den ramo di deporte tambe! hende muhernan awendia ta haci tur sorto di trabao! hasta e trabao pa dirigi e hogar ta un trabao intensivo cu ful e famia ta depende di e hende muher cu ta hacie banda di su trabao profesional! Nos mester ta hopi orguyoso di nos hende muhernan den tur ramo di trabao pasobra nan ta contribui activamente den e sector laboral y na bienestar di nos pais! Na nos amanan di cas nos kier a gradici nan pa tur nan esfuersonan pa lanta e famia na cas! Na nos welanan cu a contribui cu educacion di nos famianan nos kier a gradici nan! Mi kier a tuma e libertad pa felicita tur nos hende muhernan riba e dia grandi aki y cu papa Dios bendiciona nan tur ricamente y cu nos hende muher keda supera nos mes riba tur tereno pa asina nos por contribui na duna mas contenido na e dia international di hende muher!!! PABIEN na nos hende muhernan!!! |
Mustra/Kita e formulario di comentario
