| Minister Otmar Oduber: Carnival Cruise Lines ta confirma 12 barco pa ‘off season’ 2013 y 29 total pa e aña |
 |
 |
| Thursday, 14 June 2012 19:14 |
|
Manera ta conoci e mandatario inclusive promer cu el a asumi e responsabilidad ministerial a pone enfasis pa mehora e relacionnan cu nos partnernan strategico. Naturalmente Carnival Cruise Lines tabata y ta un di e partnernan aki danki na e restablecimento di un bon relacion a logra cu nan barconan a regresa nos isla despues di añanan di ausencia. Mientras tanto Minister Oduber a sigui mantene un hopi bon relacion cu e compania crucero y awe por mira su frutonan tambe, caminda nan a confirma 12 barco pa e “off season”y 29 total pa e aña. “E noticia aki ta sumamente positivo y ta demostrando cu e vision, maneho y union cu tin entre e diferente actornan den e sector di turismo, y den e caso specifico aki di turismo crucero ta dunando su frutonan. Esaki ta un desaroyo positivo pa nos industria crucero y tambe pa economia di nos isla mirando e cantidad di placa cu e turistanan crucero ta laga atras den nos economia”, Minister Otmar Oduber a duna di conoce. E mandatario a probecha e ocasion pa gradici e trabounan grandi haci pa APA, ATA, Cruise Committee y Ministerio di Turismo, Transporte y Labor cu a haci un otro logro grandi pa industria turistico di nos isla posibel. |
Mustra/Kita e formulario di comentario
