| Parlamentario Desiree G. Croes, den nomber di su coleganan di fraccion: Un palabra di pabien y hopi exito na tur studiante cu a logra nan diploma! |
 |
 |
| Friday, 15 June 2012 16:41 |
 Den e siman cu a pasa varios skol na Aruba a duna resultado di nan examennan y nos por a mira hopi hoben y mayor contento cu e resultado.
No falta mucho pa nan haya nan diploma den man. E diploma cu lo habri porta pa nan pa trabao of estudio avansa. Un diploma cu ta e prueba di nan capasidad intelectual, dedicacion, y esfuerso. E recompensa di e anjanan di trabao duro na skol y na cas: let op den klas y traha huiswerk na cas. Un confirmacion cu didicacion y esfuerso ta suma exito. Hobennan a logra termina nan estudio cu exito hopi biaha cu ayudo di mayornan dedica, cu awe tambe ta fiesta merecidamente. Un mayor preocupa pa futuro di su jiu cu ta mustra esaki dor di bai reunionnan di skol, ta mes momento un amigo y un guia di e hoben y cu ta mustra interes den estudio di su jiu ta e apoyo cu e hoben tin mester na caminda den su estudio y tambe despues den bida. Como mayor nos ker solamente e miho pa nos jiunan. Y ta basta facil pa logra esey: stimanan y apoyanan 100%. Nan ta nos orguyo. Nan logro ta nos logro. Tambe un danki grandi ta bai na tur e docentenan pa nan pasenshi y dedicacion cu nos hobennan. E logro di e hoben, ta danki na bo bon trabao. Bo conocemneto bo a pasa pe y bo sabiduria bo a comparti cu ne. Danki pa ta un educador di nos futuro. Mi ta desea den nomber di fraccion di AVP na tur hoben studiante masha pabien cu boso diploma y hopi exito den boso futuro. Boso ta nos seguridad riba un miho mayan.
|
Mustra/Kita e formulario di comentario
