|
Andin Bikker: Durante reunion informativo a resalta e necesidad pa bolbe bin cu pilot project Mi Spot |
 |
 |
|
Friday, 15 June 2012 20:07 |
|
Parlamentario Andin Bikker lider di PDR tambe a duna su comentario tocante e reunion den cual e tabata presente, caminda e comisionnan permanente di Ensenjanza y di Asuntonan general, salubridad y social a bin hunto y a invita instancianan cu ta traha cu hubentud.
For di e informacion cu nan a ricibi a resalta cu mester duna mas atencion na problemanan social y akinan el a papia di e amienda cu e ta co author hunto cu parlamentarionan Mervin Ras y Marisol Lopez Tromp cu nan a presenta y aloca 250.000 florin, pa opvang despues di school. Esaki ta e pilot project conoci como Mi Spot, y cu hopi placer el a tuma nota cu un di e personanan cu a haci presentacion a trece dilanti cu e ta sinti hopi falta di e proyecto aki. El a bisa cu e hunto cu su dos coleganan menciona ta bay haci un follow up cerca gobierno pa wak kico a para cu e pilot project aki, cu nan a aloca 250.000 florin den presupuesto pa bin cu e proyecto aki atrobe. Netamente a resalta durante e presentacionnan cu door cu ambos mayor mester traha, no tin hende pa wak pa e yiunan ora nan bin cas, y esaki ta pone cu ta bin bashinan den e atardinan y cu kizas esey ta pone cu nan ta haci cosnan menos bon. Ta importante ya cu parlamento a aproba e fondonan aki, rebiba e proyecto aki mas pronto posible y e presentacion aki ta subraya esey.
 |
Mustra/Kita e formulario di comentario
