Den entrevista cu Parlamentario Independiente Mervin Wyatt Ras, presidente di e comision permanente di Asuntonan General, famia y hubetud, el a elabora riba e reunion cu tabata tin diabierna cu invitadonan special manera Noord Youth Club, Sociale Saken y clinica psicologico Okido, caminda cu nan a papia di e tema gang.

El a splica cu e instancianan aki a duna hopi informacion valioso riba puntonan di riesgo cu por haci cu un mucha drenta den un gang. Entre otro, problemanan financiero, problemanan di pareha cu ta un di e aspectonan cu Departamento di Asuntonan social a haya hopi, problemanan relacional y e hecho cu hopi mucha ta keda so den cas y no tin un autoridad riba nan, y pa ultimo e desaroyo di e mucha for di baby cu ta fundamental. Nan a wordo mustra cu den edad di cero pa 3 anja e desaroyo di un mucha ta crucial y esaki ta encera e carinjo y amor cu e ta ricibi, alimenacion, proteccion y tur otro aspecto cu e ta demanda den e etapa aki di su crecemento. Si e desaroyo aki ta o.k or preveni hopi problema den futuro. Pasobra ora e mucha bira un adolescente di 12 anja bay ariba, ta mas laat pa deal cune. En caso cu ora e mucha bin cas su mayornan no tey e mester tin algo pa nan sinti cu ta pertenece na algo, loke ta importante pa nan identidad. Den un gang e muchanan ta busca algo similar na un famia, carinjo, amistad, proteccion, y akinan mester bay back na e seno familiar y e necesidad pa fortifica esaki, den locual tanto gobierno tin un tarea pero comunidad tambe. E parlamentario a haci hopi pregunta na e instancianan y nan a haya sa cu e cantidad di gang na Aruba ta creciendo, y si no por mire como un situacion alarmante manera tin den otro paisnan, si ta un punto cu nos mester pone atencion na dje. Cu spectativa riba un siguiente reunion Mervin Wyatt Ras a puntra e instancianan pa duna nan informacion riba satanismo, cu hopi hoben ta aden tambe. El a splica tambe cu tin hopi proyecto cu tambe e kier sa mas di dje pa trece e informacion den parlamento pa yuda fortalece esaki. El a bisa cu e ta contento cu tur dos comision a join otro pasobra asina informando parlamento nan por yuda preveni e problematicanan aki. E ta lamenta tambe cu un di e fraccionnan di parlamento no a presenta na e reunion mientras cu tur a wordo invita. Fraccion di AVP, independiente y PDR a acudi na e reunion. E otro fraccion cu semper ta haci como cu nan sa tur cos no a bay, y segun Wyatt Ras esaki ta jammer pasobra nan a perde di scucha un grupo di profesional cu a aporta informacion hopi valioso, y semper ta bon pa ta un pooco mas humilde pa scucha kico personanan asina ta trece dilanti.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi