| Minister Ben Knapen hopi interesa den e mehoracion di durabilidad durante conferencia Rio +20 |
 |
 |
| Thursday, 21 June 2012 10:26 |
 Durante un entrevista cu Minister di Asuntonan Exterior di Hulanda, sr. Ben Knapen, el’a haci mención riba e conferencia cu ta tumando luga na Rio de Janeiro, Rio +20, cu ta uno sumamente grandi, cargando 50 pa 60 mil persona.
E Minister a menciona cu e no por papia cu tur hende pareu, pero pa loke e por a intercambia, hopi cos ta tumando luga riba e mehoracion di durabilidad, ki partidonan tin mester y kendenan por ta interesa. Segun e Minister e por a tuma nota di varios organisacion y tambe esnan den e vida corporativo tambe tabata t'ey presente. Segun Minister Knapen, tin relativamente hopi empresa cu ta kere den durabilidad y cu por haci un bon ganashi di dje. E bon ta cu Aruba tambe ta mira esey y ta purbando den inverti den e conocemento di durabilidad, su produccion, energia di biento y purba di bira un vitrina pa e area di Caribe, riba e tereno aki. Segun e Minister, el’a reuni cu prome minister di Aruba, caminda nan a comparti ideanan con pa reforsa otro, pasobra nan por ofrece otro riba un materia strategico cu lo ta bon pa ambos pais, mas tanto riba e desaroyo moderno di durabilidad, e conocemento, cual ta haci esaki un win win situation. E Minister por ultimo a expresa cu e ta haya ta bon pa formula tal ambicionnan cu siguramente ta haci un diferencia den Caribe.
|
Mustra/Kita e formulario di comentario
