| Vision di Minister Dr. Richard Visser den pleno ehecucion |
 |
 |
| Thursday, 21 June 2012 16:55 | ||||||||||||
 E mandatario ta contento cu su vision riba salubridad publico ta den pleno ehecucion cu e proyecto aki. E trabounan ta consisti di tres diferente fase. E prome ta encera construccion di e edificio nobo di 6 piso cu ta bin pega na e edificio existente. Den e edificio aki lo brinda servicio di pediatra, kraamafdeling, etc. Esaki lo tuma mas o menos 2 aña di tempo. Tambe lo bin un edificio na banda cu lo ta e “Medical Office Building”. Aki den tur e specialistanan lo ta ubica. E di dos fase ta encera renobacion di 90% di e edificio di hospital existente. Lo renoba tur piso y adapta na standard internacional. E trabounan aki tambe lo tuma mas o menos 2 aña di tempo. E di tres fase ta e “Masterplan” cu ta te aña 2037 na unda lo extende e hospital, bin cu un scol di enfermeria, etc. Locual lo haci awor mesora ta drecha un luga pa instala e “catscan”. E plan ta cu esaki lo cuminsa e aña aki mes. Diseño di e mapanan ta den man di Bermello, Ajamill & Partners cu ta situa na Miami y cu tin proyectonan na varios parti di mundo. Nan ta experto riba tereno di diseña hospital. Locual nan ta pone hopi atencion na dje ta e funcionamento di e hospital. Cu e cambionan proponi lo hiba hospital den un siglo nobo. Remarcabel ta cu lo amplia e seccion di EHBO casi dobel, mirando e demanda. Tambe a tene cuenta cu e privacidad di e pashentnan y a cambia casi tur camber den semi priva cu solamente 2 pashent den dje of hasta cambernan priva cu solamente 1 pashent. Tur esaki en bes di e cambernan existente unda ta acomodando 4 of tin biaha hasta 6 pashent pareu. Esaki pa e pashent ta sumamente importante y un diferencia grandi pa e pueblo di Aruba. Minister Dr. Richard Visser a bisa na final di e presentacion di ta masha satisfecho cu e mapanan cu a keda presenta y cu e ta convenci cu e cambionan aki sin duda lo yuda desaroya nos hospital y prepar’e pa e siguiente añanan. Den e siguiente dianan lo suministra mas informacion riba e proyecto grandi aki, den cual nos ta hiba salubridad publico di nos pais na un siguiente nivel.
Comentarionan (10)Mustra/Kita comentarionan ...
Mi ta spera cu lo redobla e cambernan paso hopi biaha no tin lugar den hospitaal.
,
June 21, 2012
...
mas mata pa kiko ...ken lo bai duna nan awa friends ot ta family
e parkinglot ta masha bon asina y hasta e ta full yen cu no tin lugar pa parkeer bo auto ki sorto di idea loco esaki ta si pone tanto mata asina mester di hende pa cuida nan y esey ta worde haci pa friends and family Diseño di e mapanan ta den man di Bermello, Ajamill & Partners cu ta situa na Miami.....no tin compania di Aruba cu por haci nada aki...unda nos ta bay
,
June 21, 2012
...
@: John Clark: Aruba lo hanja e hospital cu mester pa eleva e
calidad di cuido. E cantidad di mata ta parti di un responsabilidad cu medio ambiente !!! Sigur lo keda na agrado di bo persona....!!!
,
June 21, 2012
...
Awor e lo pone un di su botica nan den lobby di e hospitaal tambe, zeker weten.
,
June 22, 2012
...
Personalmente eta mustra bon cu un medio ambiente masha sano pero, Nos ta spera ta bin mas mecanismo nobo hende pa traha cu esakinan mas dr. pa atende tanto hende asina, Cuido mas eficiente, Hospital limpi cu ta hole dushi! y un prome ausilio eerstehulp den optimo calidad! Ariba makette eta mustra bon awor ban mira e realidad.
,
June 22, 2012
...
@JohnD Clark: Esey ta un pregunta di un intelectual. Pa kiko mata. John, pa kiko verf e edificio? Pakiko pone Airco? Pa kiko pone linja pa sa unda bo mester parkeer. Bobo, ta keda bobo. Y pa loke ta e diseñador, claro cu tin hende cu por haci na Aruba! Pero ningun nunca a yega di haci un proyecto asina. E compania aki no ta simplemente arkitecto. Nan ta arkitectonan specialisa den salubirdad. Pero mi ta supone cu ya cu bo tin un pensamento asina sofistica den "mata" cu por ta bo ta miho para den sa pakiko mester kies un compania cu experiencia den e cosnan aki. Y btw, nan parter na Aruba ta Hendrik Croes! Hahaha. Wel, no esun mal hende, Tata di Evelyn, pero e jama Hendrik Croes si.
,
June 22, 2012
...
@John Clark
No no tin niguin hende na Aruba cu a desina un Hospital. Na mundo mes no tin hopi. Pakiko bai inventa e wiel atrobe si otronan a haciele caba i tin e experiencia. Na final bo kier e mihor cuido pa bo mes i famia toch?
,
June 22, 2012
...
pa eleva e calidad di cuido no mester tdi raha mas edificio manera si fuera cu ta Sheik di Dubai nos ta! calidad di cuido ta wordo eleva ora sector medico y zorg cuminsa organisa nan mes na un manera drechi y efficiente, gebouw nobo no lo resolve ningun problema di cuido! bo mester tin un minister cu ta involved completamente den e problemanan organisatorio di e sector aki y no uno cu ta laga un socioloog dicta kiko tin cu pasa den e sector dmedico y cuido! mester tin un AZV cu capacidad medico pa controla e servicio medico adequadamento y cu no ta djis eenzijdig pone capanan financiero anto bisa op is op! perhudicando asina e patientenan! E hospitaal nobo aki lo probablemente costa entre 20 y 40 myon extra tur anja pa mantene! ta kendenan ta bay page ! Visser ta bay page? no e! pero su boticanan si ta bay hasi mas ganashi! Kiermen ta bay hisa prima atrobe? Cuanto e biaha Aki?
,
June 22, 2012
Duna Comentario y/of Comparti riba Social Medi |
Mustra/Kita e formulario di comentario
