|
Minister de Meza ta hasi apertura di Caribda 2012 |
 |
 |
|
Thursday, 21 June 2012 18:30 |
|
Minister ing. Mike De Meza encarga cu Finansas, Comunicacion Utilidad y Energia, den cuadro di apertura di CARIBDA, bou auspicio di WEB, a tene un discurso cu a ilustra e maneho di energia cu Gabinete Mike Eman ta hiba y tambe e iniciativanan cu nos planta nacional di awa y electricidad. E conferencia di CARIBDA ta un plataforma pa companianan di awa y fabricantenan di plantanan di awa intercambia nan ideanan y experiencia tocante tecnica y retonan riba tereno di produccion di awa.
E conferencia di aña 2012 a wordo dedica na e 80 aña di produccion di awa na Aruba.
E apertura oficial di e conferencia di desalinacion di Awa, organisa pa Caribbean Desalination Associacion CARIBDA a tuma luga na Westin Aruba Resort Hotel & Casino. Minister di Finansas, Comunicacion, Utilidad y Energia, Sr. ing. Mike de Meza a duna palabranan di bonbini na nos Gobernador Fredis Refunjol, miembronan di parlamento presente, Hunta di Comisario di Utilities, directiva di WEB Aruba N.V. y tur demas invitadonan presente. Minister de Meza tambe a aplaudi e hecho cu a pone e conferencia aki den cuadro di 80 aña di produccion di awa na Aruba y a felicita gerencia y empleadonan di WEB Aruba pa e trabou cu nan a bin ta haciendo pa 80 aña largo. Tambe Minister de Meza a reconoce e directiva di WEB pa nan iniciativa constante di busca alternativanan innovativo pa nos planta nacional. Tambe e Minister a amplia riba e planta nobo di SWRO II cual ta den fase final di construccion. E planta aki lo ta hopi mas eficiente den uzo di combustibel, cual hunto cu e motornan di RECIP III lo tin influencia riba e gastonan di produccion di awa y coriente na Aruba.
 |
Mustra/Kita e formulario di comentario
