|
Minister Dr. Richard Visser: Nos mester uza un "Life course approach" pa maneho integral di hubentud |
 |
 |
|
Thursday, 21 June 2012 18:37 |
|
Pa cu e bienestar general di nos hobennan unda cu e instancianan concerni di e ministerionan di salubridad, asuntonan social, husticia y enseñansa ta trahando hunto, ta necesario pa aplica un "life course approach". Esaki Minister di Salubridad y Deporte, dr. Richard Visser a bisa na apertura di e reunion pa e instancianan concerni diaranson mainta den auditorio di EPI.
Minister Dr. Richard Visser ta boga pa mescos cu ta e caso di salubridad, unda lo cuminsa guia e mama di prome cu su embaraso y hunto cu su yiu durante e embaraso, durante y despues di parto, asina mester considera tambe e maneho integral pa hubentud. Esaki lo yuda detecta problemanan y retonan na un punto hopi mas tempran y por yuda resolve esakinan prome cu nan escala na nivelnan indesea. Asina lo yuda protehe e hoben y yud'e desaroya na un forma positivo.E titular di Salubridad Publico a enfatisa cu tur esunnan presente mester no solamente pensa y actua "outside the box", pero tambe mester sali di nan zona comfortabel pa e proyecto aki por funciona. El a subraya cu ningun instancia por ta un isla isola, pasobra islanan isola no tin futuro y Aruba mester di tur hende pa traha hunto pa "integrale jeugdbeleid" ta exitoso.Minister Dr. Richard Visser a resumi cu entre otro su ministerio ta trahando ariba proyectonan manera scol saludabel, bureau vertrouwensarts, programanan di prevencion pa loke ta trata uzo di droga y programanan di educacion pa futuro mamanan. Esakinan ta proyecto cu ta wordo realisa hunto cu diferente ministerio y asina por yega na resultadonan positivo.E mandatario a splica cu tur proyecto hunto lo mester conduci na resolve e crisis di nos muchanan cu e gobierno actual a constata ora el a tuma gobernacion over na 2009. E decision a wordo tuma pa hunto haci algo, pa yuda resolve e retonan cu muchanan ta confronta den e diferente areanan manera husticia, social, salud y salud mental, entre otro. "Integrale jeugdbeleid ta un paso hopi importante den resolve e retonan aki, Minister Dr. Richard Visser a conclui.
 |
Mustra/Kita e formulario di comentario
