| Xiomara Ruiz-Maduro:Camara di Comercio ta comparti nos preocupacion pa e situacion penoso di nos finanzas publico |
 |
 |
| Thursday, 21 June 2012 18:59 |
 E siman tras di lomba e Comicion Financiero di Parlamento a reuni cu Camara di Comercio pa asina scucha e preocupacionan cu ta reina serca nan pa locual ta trata entre otro, e fondonan di AZV, SVB, APFA y e finanzas pubico di nos Pais. For di e informacion treci dilanti den e reunion aki nos por conclui cu Camara di Comercio ta comparti nos preocupacion pa e situacion penoso di nos finanzas publico na man di Gabinete Eman. Segun Camara di Comercio for di basta tempo caba a duna un advertencia di e debenan astronomico cu Gabinete Eman ta bin ta haciendo. E gastonan di Gabinete Eman ta asina halto cu practicamente nan ta come tur e entrada di nos Pais. Gran parti di e gastonan aki ta relata na gasto di salario y ta calcula cu Gabinete Eman ta pagando 7000 persona un salario for di e caha di Gobierno. Mas di 900.000.000 ta bay pa cubri e gastonan di Gobierno y esaki ta sin conta e gastonan cu Gobierno tin cu AZV, SVB y APFA. Ta bin aserca cu nos mester tene cuenta tambe cu e gastonan cu lo bin di e proyectonan den forma di Public Private Partnership (PPP) cu na fin di dia tambe ta debenan grandi cu lo pisa riba e presupeusto di nos Pais. Nan ta premira cu siguiendo e rumbo cu Gabinete Eman ta aden, nos debe nacional lo surpasa 4.000.000.000 florin y e Pueblo aki no lo por page mas. E Camara tambe a indica cu Gabinete Eman awor lo bay subi mercado internacional pa fia placa pa asina por cubri su deficit y gastonan pa 2012. Esaki ta algo cu nan a wak ta bin caba, door cu Gabinete Eman a fia asina tanto placa riba e mercado local te na e extremo cu awor a ‘crowd out’ e sistema y no ta lagando placa pa asina inversionista local por yega na e fondonan necesario pa por inverti den nos Pais. E Camara a mustra tambe riba e hecho cu pa promer biaha den historia na nos Pais un emicion di bono di Gobierno a fracasa indicando cu inversionistanan local no tin confiansa mas den e maneho financiero di Gabinete Eman. Pa locual ta e rating positivo di Standard & Poors (S&P) e Camara a indica cu ya for di algun tempo ora S&P bin Aruba nan no ta wordo invita mas pa Gabinete Eman pa sinta na mesa cu e compania di rating aki. Algo cu nan ta considera un falta grandi. Mescos cu e hecho cu nan ta lamenta cu nan tampoco no ta hayando cifra di Gobierno pa locual ta trata entrada di belasting di nos Pais. Camara di Comercio a expresa su preocupacion tambe pa e fondo di pensioen APFA y a indica cu APFA no ta hayando e contribucion di Gobierno mane mester ta. E fondo tampoco a haya locual cu Gabinete Eman mester a cumpli cune na 2010 y 2011 y e debe aki cu Gobierno tin na APFA na su turno lo affecta nos finanzas publico aun mas. Tur esaki ta pone cu Camara ta mira cu e situacion na nos Pais awor ta hopi mas penoso cu e situacion cu nos hermana Isla Corsow tabata aden promer cu nan a bay bou di supervicion di Hulanda. Mane cos ta pinta, aki poco dia Hulanda lo bin regla nos asuntonan pa nos y nos lo perde nos autonomia pa dicidi riba nos mesun cartera. Pues asina nos por constata cu Camara di Comercio ta comparti nos preocupacion pa e situacion penoso di nos finanzas publico na man di Gabinete Eman. Comentarionan (14)Mustra/Kita comentarionan ...
Avpista nan cu ta politiek verziek ta siega nan mes pa no wak e REALIDAD cu AVP ta destrosando Aruba cu debe dies pa capricho pa nan shownan rond mundo , que siga la fiesta cu placa di pueblo
,
June 21, 2012
...
E bom di Apfa ta den explota, ban mira AVP pone nos placa cu bo ta kita tur luna pa nos pensioen back. Tempo di tico Croes boso a weg 300 miyon, awor aki ta 700 miyon, bay ta ladron i sinberguensa swa.
,
June 22, 2012
...
Ta un berguensa nacional ,Gabinete Eman kiko boso intenshon ta kaba cu e pueblo di Aruba ? esey boso ta hasiendo kaba hinka Aruba den debe buska manera pa sink e pais aki???Otro anja boso por well di lubida y nunca mas boso lo drenta gobrieno,Buskando manera pa fia plaka internacionalmente boso ta parse poko choller Baha pa kaba !!
,
June 22, 2012
...
no mester lubida cu a hisa e prima di AZV na 2011 y cu gobierno a usa mayoria di e plaka extra aki pa cubri gastonan di gobierno na lugar di laga e plaka aki pa AZV cubri su gastonan!
,
June 22, 2012
...
@Zombie:
Tremendo comentario. NOT. Casualmente bo a lesa e artic*lo mes??? Xiomara ta menciona HECHOS akinan, cu a ser comparti pa Camara di Comercio (KvK). i lo unico cu bor skirbi ta: "nada n' ta bon pa boso" , that's it?
,
June 22, 2012
...
no mester lubida cu greecia na 2009 twt tin un triple A rating di standaard & poor y ni dos anja despues nqa 2011 esaki a bira triple C rating, dus den menos di dos anja greecia a bay den deep sh..........! dus ni un triple A rating kiermen cu bo finansas no ta den problema!!! Ta djis kiermen cu bo gobernantenen por sconde e realidad financiero hopi mihor cu otronan!
,
June 22, 2012
Duna Comentario y/of Comparti riba Social Medi |
Mustra/Kita e formulario di comentario
