| Segun Andin Bikker Parlamento no ta un floresteria di gobierno |
 |
 |
| Tuesday, 26 June 2012 20:42 |
 Diamars mainta Partido Democracia Real a tene su conferencia semanal di prensa y Andin Bikker a reacciona di biaha riba e criticanan cu el a haya for di fraccion di AVP. Andin Bikker a bisa cu parlamento no ta un floresteria di gobierno, y e ta sinti cu e fraccion mayoritario cada bes ta manda flornan pabao y ora nan no tin quorum pa un reunion nan kier conta cu sosten di oposicion. Bikker a enfatisa cu AVP por dicta riba su agenda pero no riba esun di oposicion y sigur cu no riba Andin Bikker y Democracia Real. Kico a sosode ta cu presidente di parlamento a yama un reunion y despues el a suspende esaki pa e bay un reunion riba siguridad nacional cu a dura mas cu 2 ora largo. El a bolbe yama e reunion pero miembronan di parlamento a bay un entiero di famia di un hende di Parlamento, loke a pone cu presidente di parlamento a pasa e reunion pa su dia siguiente y avisa riba esaki como un of dos minuut prome. Lider di PDR a bisa cu e no ta den e wega aki, y cu e buki di StaatsRecht den man a comenta cu fraccion di AVP mester haya curso di ley constitucional y lesa kico ley parlamentario ta bisa. Segun Bikker e fraccion mayoritario cu ta sostene gobierno ta esun cu mester zorg pa tin quorum y no conta cu oposicion cu no ta sostene gobierno. El a bisa tambe cu PDR no ta tire spare di AVP, cu a manda dos miembro na Parlatino y ta pretende cu PDR lo mester core bin forma quorum. El a splica cu na momento cu e reunion a ser yama diahuebs e tabata tin un deramento pa bay, y e tabata un compromiso grandi pe pa haci esaki y el a comunica fraccion di AVP riba e situacion. El a lamenta cu fraccion di AVP y un minister a monta un jump up riba dje pasobra en todo caso agenda di PDR ta determina pa pueblo y no pa fraccion di AVP. Lider di Democracia Real a menciona cu di Electoral Raad nan a haya un carta anticipando na e siguiente eleccion, cordando Parlamento cu 90 dia prome cu eleccion pa ley, mester disolve Parlamento, p’esey despues di reces e aña parlamentario lo ta hopi cortico mes. Esey ta nifica cu PDR ta bay evalua ki reunion nan lo atende y ki reunion lo no atende, sin laga afo e importancia di bay den pueblo, mas cu meta di Democracia Real ta drenta den gobernacion despues di eleccion di 2013. Comentarionan (16)Mustra/Kita comentarionan ...
Andin cu tur respet pa bo pero di momento cu pueblo a eligi bo pa drenta parlamento bo trabao ta pa atende tambe na reunion nan, Como parti di bo trabao cu pueblo ta paga bo p'e no kiermeen cu pa cada projecto y of cambio di ley cu abo presenta esey ta siginifica cu gobierno y parlamento tin un obligacion pa duna bo reconocemento. E actitud ey ta haci manera un cos cu parlamento ta un wega pa boso y di e forma ey boso nan ta faltando respet na e pueblo di Aruba. Bo recompensa y reconocimento pa bo bon trabao esey pueblo mes lo duna bo ora di eleccion y mi ta spera cu e wega y actitud di mucha nan aki por caba y boso siña haci boso trabao como representante di pueblo y alabez duna muestra di norma, balor y respet di uno pa otro pa asina sea un bon educador di nos pueblo.
,
June 26, 2012
...
Na momento cu un persona postula su mes ariba un lista politica y convence pueblo pa vota pe yamando su mes un humilde sirbidor anto ta na su lugar pa bo keda e humilde representante di pueblo pasobra di e momento cu bo a haya bo voto nan pa por drenta parlamento bo mester drenta cu e pensamento pa traha y sirbi bo pais. Si un persona no por representa su pueblo den parlamento y traha pa su pais na un forma professional anto no haci esey pasobra bo ta gañando e pueblo aki. Si ta reconocemento bira famoso y popular anto bo ta den e lugar robez pasobra bo mester a scohe pa bira musico, actor of comediante. Na prensa, por fabor no dedica boso tempo y tempo di pueblo na e payasada nan aki pasobra nan no ta yuda nos pais na nada. Na parlamentario nan y gobernante nan si boso meta no ta pa traha pa boso pais renuncia y duna lugar pa esnan cu si kier traha y sirbi nan pais.
,
June 27, 2012
...
Lo ta na su lugar pa Andin baha cabez y sali afo pidi disc*lpa na e pueblo di Aruba pasobra esaki no ta sirbiendo interes di Aruba sino propio interes pa haya reconocimento y bira famoso. No ta esaki pueblo di Aruba ta paga pa boso bay haci den parlamento. Mi ta kere cu e proximo eleccion pueblo ta bay ta mas critico y cauteloso pa ken nan ta vota pasobra nos mester hende nan serio cu curazon dedica pa sirbi y traha pa nos pais Aruba. No bin convence pueblo pa duna bo confiansa y despues bira arrogante y exigi reconocimento sin importa e interes di e pueblo di Aruba. Tur siman ta e mes un cos cu e payaso nan di MEP caba y awor uno mas aserca ta dimas.
,
June 27, 2012
...
Hoge dunk e meneer aki tin.di ta un bon abogado no ke meen cu bo ta unsuperman.Stop cu e arrogancia ei. E ta hasimi corda un ex-lider di un partido, cu ta mensiona su nomber cada vez ,manera ta God in Franrijk e ta .
,
June 27, 2012
...
R.R.Ras, bo ta scibi cu hopi nivel, pero no kere cu esei ta lagabo aparenta di ta un hende inteligente y objetivo. Mihor bo kita e bril di palo ei, y waak e asuntonan objetivo di berdad. Bo no ta critica ningun parlamentario di avp demonstrando claramente bo color politico, y cu tur respet pa esei. Pero please kita e bril di palo y habri bo orea pa TUR parlamentario, tanto di gobierno y oposicion.
,
June 27, 2012
...
Cu tur respet pa Andin y pa tur su ideanan den parlamento, pero señor
baha fe di bo ego-trip y actua mas madurez !!
,
June 27, 2012
...
Andin, rechtsbuiten di MEP, y Booshi ta e linksbuiten. Tur dos ta GEEL GEEL di paden.
,
June 27, 2012
...
Andin....un biaha mas tremendo...mare tur parlamentario por tin e actidud y mas ainda comprende locual di berdad ta nan trabow...esta biba e ley nan vigente pa cu parlamento.. petje af!!! bisando ayo na AVP....bai vota pa Democracia Real...
,
June 27, 2012
...
Hopi bon Andin, sigi asina no worry cu e chear leader nan di avp cu ta 24/7 ta scirbi raki riba. Asina bo tin di sigi no bai cu handschoen di filpe cu AVP nan ta traidor sigi pone nan para keto cu ta PDR ta bai ta e partido mas grandi
Sld
,
June 27, 2012
...
Punto ta cu ora bo postula bo mes ariba un lista politica y convence e pueblo pa vota pa bo drenta parlamento bo mester ta conciente cu ta pueblo a pone bo ey nan pa traha, representa y sirbi bo pais dignamente sin exigi nada pasobra bo ta wordo paga pa haci e trabao pa e pueblo y bo no ta drenta parlamento pa ricibi ningun compensacion, reconocimento ni pa bo bira popular pasobra si ta esey bo tin den mente anto bay bira artista of deportista caminda si lo bo haya e rconocimento cu bo ta desea. E unico reconocimento cu lo bo por haya ta si bo haci bo trabao bon y pueblo re-eligi bo pa sigi un otro periodo mas pero sin e interesnan personal manera di sinti bo mes cu derecho pa ricibi un corona of trofeo. Pueblo kier hende nan di curazon humilde y dedica na sirbi y traha pa su pais.
,
June 27, 2012
...
Mi Voto AVP no lo hanja mas, Andin Abo ta e berdadero cambio peche af pabo!!! Parlamentarionan di Avp ta viaha riba nos costia malgastando nos placa y keda si duna Quorum awo partido Avp kier critica Sr Andin Bikker cu semper a presenta den parlamento no manera Mep y Avp paso ainda ta fresco den mi memoria cu Mike Eman him self no twt presenta den parlamento como parlamentario pero twt sinta grita tur dia na cas di partido!! Andin Nos ta cubo e pueblo ta cubo Avp y Mep lo bai hanja e sorpresa di nan bida na 2013
,
June 27, 2012
Duna Comentario y/of Comparti riba Social Medi |
Mustra/Kita e formulario di comentario
