| MEP ta lanza su campaña pa yega na un logo Nobo |
 |
 |
| Wednesday, 27 June 2012 12:01 |
 Y Awor ta turno pa MEP yega na un logo nobo. Contrario na hopi organisacionnan, MEP ta un partido cu kier laga pueblo participa den su accionnan y aki a scohe pa bin cu un campaña pa yega na e logo nobo di partido. A combina e campaña di logo hunto cu un campaña pa un slogan tambe. Tur diseñadornan, hobennan di 15 aña bai ariba, tur simpatisante, tur persona creativo por participa den e campaña pa yega na e logo nobo di Movimiento Electoral di Pueblo. E campaña aki ta start dia 28 di juni 2012 y ultimo dia pa entrega lo ta dia 22 di juli 2012. Por entrega esaki na Cede di MEP na Santa Cruz entre 2:00 cu 6:00 p.m. of lo por e-mail esaki via e e-mailaddress meponthemove@gmail.com" of lo por mail esaki via e Facebook page mes. Lo bai tin premionan pa e 5 mihor logonan y tambe e 5 mihor slogannan. E ganador pa locual ta e campaña di Logo lo ricibi cash un suma di afl. 2.000.- y e finalistanan lo ricibi tambe premionan manera iPad, iPod, Lessenaar y un Blackberry. E ganador di e slogan lo ricibi afl. 1000.= cash y e finalistanan lo ricibi premionan di afl. 500.-, afl. 350.-, afl. 250.- y afl. 100.=. Lo pone e 25 mihor logonan cu wordo entrega riba e Facebook Page "MEP On The Move" cu lo wordo crea specialmente pa e ocacion aki y pa otro cambionan cu MEP ta bin cu ne, unda tur hende lo por "like" e mihor logo na su parecer. E 5 logonan cu ricibi mas "like" lo competi pa e logo ganador. Pa esaki lo scohe un equipo di hurado cu lo huzga e cinco logonan aki y lo dicidi cual ta bira e logo ganador. MEP su logonan di semper tabata e parha cu ta ranca e isla di Aruba y hibe den direccion di libertad y tambe e solo cu ta representa vitalidad, vigor, forza y liderazgo, un fuente di energia, un fuente di luz y claridad, ilustrando cu MEP ta un partido cu bida, un partido fuerte y energetico, pero alavez transparente pa un y tur. Pa e logo nobo, MEP ta habri pa tur ideanan, diseño cu por bin riba mesa. E por ta un modernisacion di e logonan existente di MEP, pero e por ta tambe un logo completamente nobo. Aki MEP a scohe pa laga espacio liber na e creatividad di tur esnan cu kier participa. Mester menciona cu si tin Arubianonan residencia den exterior cu kier participa, esaki tambe ta posibel, tanto pa e logo como pa e slogan. MEP ta un partido cu ta traha na bienestar di un y tur y sigur ta yama bonbini na cualkier persona cu kier participa. E logonan cu lo participa den e competencia mester ta logonan original, crea pa e persona cu ta entrega esaki. E persona cu crea e logo ganador lo keda cu e derecho moral riba su logo, pues cu semper na momento dcu papia di e creacion di e logo, lo menciona tambe ken a crea e logo aki. E derecho economico di e logo ganador lo bira di Partido. E condicion aki tur participante mester bai di acuerdo cu ne pa por participa. Esaki ta e derecho di uzo di e logo, pues cu MEP por uza e logo unda cu ta desea y na ki momento cu e ta desea, sin cu esaki ta depende di e aprobacion di e diseñador. Esaki lo wordo firma den un acuerdo entre e creador di e logo ganador y partido MEP. Tur e otro logonan cu wordo entrega ta keda di esun cu a diseña esaki. Pa participa den e campaña di e logo mester yena un formulario di inscripcion riba cual ta para e condicionnan di participacion. E condicionnan por wordo encontra tambe riba e Facebook Page menciona aki riba. Lo mester paga un suma di afl. 25.- pa participa den e campaña pa e logo. E suma aki tin cu wordo paga na momento di entrega bo logo. Si ta haci uzo di e-mail pa entrega e logo lo mester e-mail tambe un comprobante cu e suma di afl. 25.= a wordo deposita riba e cuenta di banco di MEP. Hunto cu e logo mester entrega un descripcion y/o significacion di e logo, kico e logo ta representa y nifica. Pa participa den e campaña pa e slogan no tin cu paga nada. Pa esnan cu no tin Facebook, pero cu tambe kier vota pa e logo cu nan ta kere cu por bira e logo nobo di MEP, lo expone na Cede na Santa Cruz e 25 mihor logonan y lo permiti tur persona pa pasa vota. Esaki lo ta for di dia 25 di juli te cu 1 di augustus 2012. E mesun fecha aki ta conta pa e votacion riba Facebook tambe. Pa participa na e slogan lo por yena e coupon cu por wordo corta for di den corant y por deposita esaki den un buzon cu lo wordo poni specialmente pa esaki na Cede of por e-mail esaki na e e-mailadres meponthemove@gmail.com" Esaki ta un oportunidad pa pueblo participa y laga nan creatividad resalta.
Comentarionan (23)Mustra/Kita comentarionan ...
@Cado....of Cadeautje...abo si ta bobo y ciego lag'i nek. Tempo di MEP ami nos tabata por a paga nos awa y coriente pero desde cu avp a subi, nos tur ta bibando stap pa stap. AVP TIN ARUBA GARA NA GARGANTA!!! Cado wake up from the death abo tambe...... Ban serio!!!
,
June 27, 2012
...
Despues di eleccion 2005 Hendrik Tevreden a ricibi studie-opdracth di gobierno di MEP. 4 anja largo e la goza di placa di belasting di Aruba. E meneer aki no a caba yun sorto di estudio na Hulanda, pero ela djodjo cu nos placa di belasting si. E no tin yun educacion formal ni professional. Con e meneer aki ta bai yuda Aruba? Kiko ta su area di expertisio? MEP no ta cambia nunca mas. Evelyn, rejovenece no solamente e candidatonan, pero sino tambe e profielnan. Aruba kier hende studia, hende professional den gobierno. No hende cu solamente tey pa sace probecho di e Aruba.
,
June 27, 2012
...
No tin mas siego cu esun cu no kier mira. Awo cu boso/nos a hasi AVP asina grandi ta cua pardido ta bai baha nan djei? Boso/nos ta bisa cu nos mes lo baha nan. Nos mes a duna nan poder pa mal gasta nos placa. Ami kier wak ken tin durf di sinta den gobierno despues di AVP...3 billion florin na debe cu nunca mas nos lo sali fei dje.
,
June 27, 2012
...
@Ticosloot = ora bo haja un studie opdracht di gobierno, bo departamento, bo hefe, y tambe minister mester ta di acuerdo cu bo ta riba e nivel y e opdracht tin di ta pa algo haber pa mehoracion di bo departamento, y e persona mester tin un vooropleiding pa bin na remarke. Bo kier blap blap, pero bo nosa ni pia ni cabes. Bai fliet abo cu bo gobierno corupto cu ta paga bo pa scirbi aki riba. Tambe bo tin di prueba na Aruba ora bo ta bek cu bo a caba e opdracht cu bo a bai hasi. Ora bo bin bek bo tin di traha sierto cantidad di anja bek, sino bo tin di paga esaki.
Ami ta bisabo con e mener aki ta bai juda Aruba, mescos cu e a juda mi sali di unda mi tawata, asina. Ta hende asina masha tempo Aruba ta tin mester, cu caracter. Bai fliet!!!
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
