| Parlamentario Clarisca Velasquez: Aruba tin recursonan natural hopi potencial cu nos tur por beneficia di nan |
 |
 |
| Wednesday, 27 June 2012 12:06 |
 Nos a tuma nota ta cu Aruba ta den lus international na paisnan grandi manera Brasil ora a presenta e vision cu gobierno di Aruba tin cu nos dushi Aruba y con nos kier bai logre. Aruba ta un isla dichoso cu recursonan natural cu hopi potencial cuminsando na nos hendenan.
Nos hendenan ta e recurso natural di mas balioso. Pesey nos turismo ta florese y e bishitantenan kier bin bek na nos dushi Aruba pa nos hendenan su amabilidad y cordialidad. Banda di e recurso mas potencial aki di nos hendenan nos tin un biento unico na mundo. Un biento cu ta supla dia aden y dia afor constantemente. Un biento cu nos lo por usa na beneficio di nos hendenan. Un otro recurso natural potencial cu nos tin ta e solo constante y henter anja cu nos tin ta briya riba nos dushi isla. Nos tin tambe e potencial di lama cu su olanan cu ta recursonan cu nos isla por usa pa asina nos por tin beneficionan di nos lama cu ta rondona nos isla. Nos mester ta proactivo cu nos recursonan natural y pesey tambe nos gobierno su vision ta pa nos bai haci uso di nos recursonan aki mas eficiente y haci e isla aki un isla modelo pa henter mundo pero alavez trece beneficionan pa nos hendenan. Nos hendenan ta sufriendo pa anjanan largo cu recibonan di awa y coriente y nos mester por baha e uso di fuel oil pa asina nos por baha e prijsnan aki pero e ora nos mester bai haci bon uso di nos recursonan natural cu nos tin na alcanse di nos man pa asina nos por alivia nos pueblo cu prijsnan halto di coriente y awa! Nos gobierno ta conciente di esaki y pesey ta pensa pa haci mas uso di nos recursonan natural pa asina alivia nos hendenan. Nos mester keda positivo Y ban sostene nos gobierno pa haci mas uso di nos recursonan natural pa asina nos por tin mas beneficionan!
Comentarionan (2)Mustra/Kita comentarionan ...
un storia hopi bunita conta,pero ora bo wak realidad cu ARUBA ta pasando aden awor mi ta puntra mi mes ta den cua mundo e sr aki ta bibando, saca bo som tempo di gobierno di mep cu bari di fuel oil tawata na $150 pa bari PUEBLO no tawata paga asina HOPI na awa cu coriente manera e ta pagando awe na man di gobierno di avp cu fuel oil ta na MENOS cu $ 100 pa bari
,
June 27, 2012
Duna Comentario y/of Comparti riba Social Medi |
Mustra/Kita e formulario di comentario
