| Parlamentario Arondino Croes: Minister Otmar Oduber ta introduci medida riba turismo |
 |
 |
| Wednesday, 27 June 2012 17:00 |
 Ta asina cu gobierno tin un deficit grandi riba su presupuesto di alrededor 300 miyon y ta buscando tur caminda pa hanja plaka.
Minister Oduber ta bai laga nan cobra pa medio di agencianan di viahe un suma di $10 of 17,90 florin riba cada ticket pa Aruba. Segun parlamentario Arondino Croes partido MEP ta contra pa tuma mas medida riba nos turismo paso ya caba gobierno a aumento logeergastenbelasting, accijnzen y tambe gastonan di personal y operacional. E medida di $10,00 sigur ta lo ser sinti cerca e turista especialmente den e mercado di Latino America y ta pone e posicion competitivo di Aruba na peliger. Parlamentario Arondino Croes por a constata cu den e memorie van toelichting ta menciona cu ta projecta cu e medida aki ariba e turista lo ta alrededor di 14 miyon florin pa anja. E pregunta ta con ta posibel cu ta kita di fondo di turismo 200 mil florin pa combati dengue anto di otro banda ta introduci medida pa turista. Ademas Ahata ta considera 2005 como e anja di mayor progreso expresando : ” The industry peaked in 2005 when the hotels saw an average annual revenue per available room of $152 y cu pa anja 2010 e ta $ 139. Si nos para keto nos ta wak cu esaki ta duna indicacion cu mester stimula turismo pa yega e tempo nan bon di anja 2005. Esaki ta otro motibo pakiko partido MEP no por a sostene e medida aki di Minister Otmar Oduber. Ahata ta indica tambe cu e costo di awa y luz pa hotelnan a subi substancialmente. No solamente Ahata pero tambe trahadornan den sector hotelero y tambe taxistanan ta confirma cu e situacion di turismo no ta mucho bon. Nan no ta mira e resultado di supuesto adelanto di turismo den nan cartera. Loque a resalta tambe segun parlamentario Arondino Croes den e tratamento di e ley aki di gobierno den e memorie van toelichting cu Aruba no conoce un nivel halto di omzetbelasting manera otro paisnan. Gobierno ta confirma cu e BBO no ta perhudica turismo. Alcontrario Minister Otmar Oduber a mira espacio pa introduci e medida di $ 10. Segun parlamentario Arondino Croes gobierno ningun momento a pone den su programa di gobernacion cu e ta bai bin cu medida riba turismo. Di un banda gobierno ta broma cu turismo ta bai asina bon y di otro banda ta tuma medida contra turismo. Definitivamente e gobierno aki no ta di confia peor ainda unda turismo ta un pilar económico principal pa Aruba.
Comentarionan (3)Mustra/Kita comentarionan ...
Un otro payaso di circo mas cu ta kere cu parlamento ta un lugar pa competi y gana reconocimento embez di purba traha pa hiba nos pais padilanti. Aruba no tin recurso nan otro di entrada y awor abo kier bin hunga e rol di ta proteha tur hende lubidando cuanto medida bo partido a pone ariba lomba di e pueblo aki. E proximo eleccion lo bo mira e resultado di bo hazaña politica.
,
June 27, 2012
Duna Comentario y/of Comparti riba Social Medi |
Mustra/Kita e formulario di comentario
