Ayera a yega na otro punto importante di e proyecto di renobacion di nos centro di ciudad. Minister di Integracion, Infrastructura y Medio Ambiente, Benny Sevinger hunto cu Prome Minister Mike Eman a pasa personalmente pa mira con e instalacion di e rails den caya principal a cuminsa.

“Pa hopi un proyecto cu a wak’e como los di e totalidad di caya grandi. Semper nos a bisa cu e proyecto di trolley, streetcar…con nan kier a yame, ta esaki ta e curason di e proyecto,” Minister Sevinger a bisa.

Estudionan haci dor di Gabinete Mike Eman, a determina cu un turista ta cana te un tercera parti di caya grandi. Esey ta nifica cu hopi di e tiendanan den otro dos tercer parti di caya principal ta muda pa centronan comercial y otro luganan.

Minister Sevinger a bisa cu ta pesey a dicidi den diferente reunion cu experto local y internacional cu esaki ta e metodo pa transporta hende for di punta di waf te final di Caya, un trayecto cu ta dos kilometer largo.

“Awe esnan cu a bisa cu no ta kere den dje por wak cu en berdad esaki ta un proyecto serio di Gobierno. En todo caso ta duna e oportunidad na e tiendanan di por sobrevivi y competi den e area y riba nos isla,” Minister di Infrastructura a indica.

E implementacion di un sistema di streetcar ta djis parti di e Plan ‘BoAruba’ cu ta conecta cu Centro Historico, cu edificio di Corte cu ta den renobacion, cu Watertoren y henter e area di lagoen, Misa, Madiki, etc. Plan renobacion di centro di Oranjestad ta forma parti di e plan macro ‘Bo Aruba’ crea, dirigi y ehecuta pa Gabinete Mike Eman cu sosten di diferente departamento publico. “Esaki ta un proyecto cu ta keda dinamico y ora cu Gobierno cambia of yega na otro constelacion, e proyecto aki ta sigui. No ta un proyecto cu ta caba December y nos a lubida riba dje. Constantemente ta bay tin transformacion, lo sigui cu otro cayanan,” Minister Sevinger a conclui.

Comentarionan (5)

... , Low-rated comment [Show]

...

E projecto aki nan ta plaka tira afo op den lange duur. Ta kende ta bai mantene e tram rails nan tur aña. Ta kende kjer tende zonido di hero riba hero den stad.
Mihor boso nan a hasi caja granda overdekt esta un promenade pa hende local y toerista cana na pia.

Keusi , June 27, 2012

• 
• +13
• 
• 

...

Mi ta kere ku ni ku bo karga e turistanan riba lomba hiba nan den kaya grandi nan lo no kumpra nada tog , paso nan ta ta turistanan cheapo ,kere mi ! e projecto ey ta plaka benta afo

kwiri , June 27, 2012

• 
• +10
• 
• 

...

E proyecto por ta serio y ta caminando pero ainda nos no por papia si e ta bay funciona. resultado ta bal.

geminis , June 28, 2012

• 
• +0
• 
• 

...

Con bo kier pa nos kere den un proyecto cu a wordu ejecuta a costo di educashon di nos juinan?

Avatar , June 28, 2012

• 
• +6
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi