| Minister Sevinger: “Nos meta ta keda December di e aña aki!” |
 |
 |
| Wednesday, 27 June 2012 18:24 |
 Minister di Infrastructura, Benny Sevinger y Gabinete Eman no ta tuma descanso pa loke ta trata e desaroyo di e trabounan di Plan ‘BoAruba’. Minister Sevinger a probecha e ocasion di ayera cu tabata e inicio di instalacion di rails pa e Streetcar den Caya Principal, pa indica cu otro fasenan di e proyecto ya caba ta andando. “Mañan mainta ta sinta cu e contratista cu ta encarga pa pone tur otro cos manera matanan, e canopy, e luznan, tur loke nos ta yama Streetscape. Ya a haci e destaho publico y nos ta sinta pa nan cumpli cu e ultimo rekisitonan pa asina otro siman por cuminsa haci e trabounan,”e Minister a bisa, añadiendo y sigurando tambe cu “Nos meta ta keda December di e aña aki.” Otro aspectonan cu ta trahando simultaneamente riba dje ta e vehiculo, esta e Streetcar mes, como tambe nan respectivo garashi, ademas di e Welcome Plaza, Havenstraat, Schelpstraat, etc. Esaki ta e manera di traha Minister Sevinger y henter Gabinete Mike Eman pushando e diferente proyectonan pa asina percura cu tur cos ta cana manera a keda planea y den menos tempo posibel, pueblo por disfruta di tur e mehoracionnan haci. Mientras cu na nivel administrativo ta sinta tur siman cu e diferente lider di proyecto pa haya un bista di con cosnan ta bayendo y sigura cu trabou ta riba bon caminda, tambe ta imperativo pa gradici un y tur envolvi den e proceso y resultado. Minister Sevinger a expresa cu e “ta gradici tur cu a coopera, Infra Team, DOW, e contratistanan, e hendenan cu a bin di Hulanda y Alemania. Pasobra tabatin mester di e expertonan pa percura cu e trabou aki ta wordo haci bon. No ta tur dia na Aruba nos ta instala rails.” Tanto Minister Sevinger como Premier Mike Eman a tuma tempo pa papia na e sitio den Caya Grandi cu no solamente e ingenieronan, pero tambe cu tur trahado presente pa personalmente gradici nan pa e bon trabou. |
Mustra/Kita e formulario di comentario
