| Minister Benny Sevinger contento cu inicio di ponemento di rails pa e tram |
 |
 |
| Wednesday, 27 June 2012 20:52 | ||||||
 ]Den Caya Grandi e trabaonan a cuminza pa e tram cu mester bin. Tin hopi investigacion cu mester a tuma lugar prome cu a bay over na un tram. Diaranzon mainta, Minister Benny Sevinger a hiba palabra en conexion cu cuminzamento di ponemento di e rails y a duna un splicacion rib e proceso.
El a bisa cu hopi ta esnan cu ta mira e proyecto aki como un proyecto di Caya Grandi, pero no mester mire los pasobra e ta parti di e totalidad di renovacion y embeyecimento di nos centro di ciudad. E mandatario a bisa cu esaki ta un proyecto serio di gobierno cu un inversion di miyones di florin, y e tabata masha contento di a yega na un punto hopi importante cu e instalacion di e railsnan aki. Locual falta adicionalmente manera cambia e klinkers cu tin awor pa klinkers nobo, e minister no ta kere cu mester ta un problema pa e publico local y bishitantenan di afo por cana te final di Caya Grandi. El a splica cu den un estudio cu a ser teni a sali afo cu e turistanan ta cana te e tercer parti di Caya, pero no ta yega na e final pariba. E tram lo transporta nan di punta pa punta for di waf te e final di caya cu ta un distancia di 2 kilometer y trece nan bek. Pero e ta e curazon cu lo conecta cu e centro historico patras di edificio di gobierno y di edificio di Cote awor den renovacion tambe, e water toren, Misa y full e area di Rancho y e parti di Laguun. Minister Sevinger a splica cu mester duna e comerciantenan di Caya Grandi e oportunidad di sobrevivi y competi tanto localmente como den nos region. E mandatario ta reuniendo cu e contratista cu ta bay caba e trabao cu falta, entre otro e clinkers, landscaping, ponemento di luznan cu mester bin, pasobra tin rekisitonan cu ainda falta y cu e mester cumpli cu nan, pa otro siman e trabaonan aki sigui y e meta di gobierno ta pa keda cla na December. El a splica cu esaki ta un proyecto dinamico cu lo sigui den movecion y no ta caba awor pero ta sigui cual sea e signature di gobierno cu lo bin, pasobra tin hopi mas caya pa drecha y mas trabao pa haci den centro di ciudad cu ta bay tuma un par di aña mas. E minister a gradici esnan cu ta colabora manera Infrateam, DOW, contratistanan di Aruba y di afo, y ainda tin expertonan cu ta biniendo for di Alemania, Hulanda y di Merca pa yuda pa e proyecto aki wordo caba na un forma optimal y profesional. El a splica cu mester tin garantia di e rails aki di 30 pa 40 aña largo. E minister a felicita pueblo di Aruba pa cu ponemento di e rails y tambe a yama e motor tras di tur esaki y semper ta dunando empuhe na e proyecto y cu ta Prome Minister Mike Eman.
Comentarionan (10)Mustra/Kita comentarionan ...
eheee awo comer chichi ta bai subi e tram porfin di la linda pa baha na djiespie y dal un coffie cu comer maria ...duuushiii trip...hahahahaha...echt mi tin di wak e kos aki keda kla pa mi wak su nut paso awo min ta wak nada mas cu chaos y mas chaos...
,
June 27, 2012
...
HAHAHAHAHA porfin nan coi hunga ta bin kla, eeeee choller cabes pariba choller kabes pabo. Que lokura ku peublo mester paga myones pe rararararar.
,
June 27, 2012
...
Den anja 2012 , esaki ta rails di mas ouderwets y mahos cu mi a jega di wak. E ta parse rails cu un compania tin warda pa 20 anja y nunca por a wordo bend y awor nos gobierno a cumpre pa prijs di baka flaco......hahaha. Na e grandura di e rails mi por saka afor cu ta un locomotief di carga baka nan lo core cune den caya grandi. Den wowo e pueblo di Aruba a bolbe hanja
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
