| Prome Minister Eman: Gobierno transformando Aruba den un pais yena cu optimismo y un poblacion di 5 strea! |
 |
 |
| Wednesday, 27 June 2012 20:57 | |||
|
Prome Minister Mike Eman tabata presente diaranzon mainta den Caya Grandi, y a considera e proceso andando un otro etapa di centro di nos ciudad. E rails cu ta wordo instala ta simboliza e conexion di un hende cu otro, y e necesidad pa e pueblo bin hunto. Prome Minister a bisa cu Aruba ta conociendo un cambio total di Playa pa San Nicolas, di Dakota pa Santa Cruz, di Yuwana Morto pa Madiki y tin e intencion di transforma e pais aki den uno yena cu optimismo. Un Aruba cu ta conociendo renovacion di schoolnan, caretera, barionan y otro facilidadnan y numa diamars el a presencia e comienzo di e proyecto di renovacion, expansion y modernizacion di nos Hospital. E mandatario a expresa cu a base di dedicacion lo transforma Aruba for di e caminda cu gobierno aki a haye, deteriora, den abandono, cu masha poco optimismo pa un Estado, Pais y Nacion cu a recobra su speranza y optimismo. El a bisa cu ora gobierno a sinta y a wak tur esaki y e situacion social di nos pueblo, a dicidi cu Aruba no mester unicamente di hotelnan di 5 strea pero henter e comunidad merece di tin un centro di ciudad di 5 strea, mescos su schoolnan, bario, cas di anciano, hospital mester ta di 5 strea, y cu e renovacion y embeyecimento di Caya Grandi cu su tram, ta agrega mas strea pa logra un mehor calidad di bida pa nos poblacion. Prome Minister Eman a corda cu ora e proyecto aki a ser pionerisa hopi tabata esnan cu a critica y te ainda por mira esaki tur dia, pero cambio no ta bin sin un vision cu tin biaha ta mas leu cu e capacidad di otronan pa mira na unda e ta bay yega. El a bisa tambe cu MNO Vervat a zorg pa hunga un rol importante cu e proyecto aki treciendo nan conocimento dilanti. Awor por mira e rails berdad, pero tin mas cos cu mester a sosode prome cu a instala nan.
Comentarionan (7)Mustra/Kita comentarionan ...
FOR SALE!!! TA BENDE!!! TE KOOP!!! SE VENDE!!!..... Isla ARUBA ...Pa motibo di bancarota ora cu gobierno a gasta TUR e fondonan den ridic*les y caprichonan personal contra MEP.
,
June 28, 2012
...
Mike bo expreshonan ta echt pone mi rabia. 5* na unda? Stop di ganja please.
,
June 28, 2012
...
ARUBA (arubianonan)semper tawata 5 strea ta pesey nos tin hopi turista cu ta keda bin bek riba e pida baranca aki ,pero loce gobierno di mike ta hasiendo cu pais ARUBA (pueblo pagadornan di belasting) ta wak strea si di con grandi nos debe nashonal a subi den e ultimo lunanan
,
June 28, 2012
...
E project di caya grandi no ta mal idea, pero mester a studia e asunto di tram cu ta un parti cu ta pisa hopi den e costo total di e projecto. Tampoco no a publica cu si e feasibility study a wordo traha y laga un KPMG controla si e ta algo cu ta bon den e wowo financiero. Tabata mas facil traha alfo parecido na Renaissance Market Place unda e pueblo comprado lo haya un alivio di e solo cu anja pa anja ta bira mas calor...y door di sombra e ambiente pa cu e cumprado lo bira mas agradable y asina mas y mas lo jega Caya Grandi pa hasi compras. E gastonan lo no tabata asina halto.
,
June 29, 2012
Duna Comentario y/of Comparti riba Social Medi |
Mustra/Kita e formulario di comentario
