| Donny Rasmijn (AVP): Ta momento pa tuma encargo di e problema di sushi y hiba un maneho hopi mas severo |
 |
 |
| Wednesday, 27 June 2012 21:43 |
|
Partido AVP a tene su conferencia di prensa. Donny Rasmijn a hiba palabra unda el a splica cu den parlamento lo tin un reunion publico relaciona cu dumpnan ilegal. Ya tin para di luna bezig cu e topico aki unda cu a trece dilanti cu kier mira un maneho den short term solution riba e problema di dumpnan ilegal. Tambe un long term solution. Sa cu Gobierno a introduci un taskforce cu ta consisti di cinco persona y tin un rapport cla cu a ser entrega gobierno siman pasa. Awor ta spera esaki drenta parlamento pa nan use tambe den reunion publico segun Donny Rasmijn… Aki lo pasa riba dje, revise pa por use mayan durante e reunion publico cu ta bay tuma luga. Sr. Rasmijn por bisa cu no sa ainda kico e contenido ta di e rapport, pero seguramente ta papiando di e problema aki cu ta afectando nos pais y e ta un trabao, e ta un taak di nos tur riba e pais aki, no solamente gobierno, parlamento, polis of opsporings ambtenaarnan, pero tambe ta un taak di nos pueblo pa tambe coopera pa tene e luga aki limpi. Nos sa cu nos pais ta depende hopi riba turismo. 70% di nos economia ta depende riba turismo. Turismo ta bin aki door cu e ta wordo atrai door di nos medio ambiente. Keto bay ta mira hopi sushi acumula canto di caminda segun Donny Rasmijn. Por mira cu ta parce cu ta un negoshi, un booming economy pa piki sushi y bent'e otro parti. Sr. Rasmijn ta spera cu nos tur por compronde cu awo a bira momento pa tuma encargo di e problematica aki y cuminsa hiba un maneho hopi mas severo, un control debido pa nos por reduci e problema aki y caba cune. Un cos cu a trece hopi dilanti ta e landfillnan riba nos pais ta hopi. Tin como 33 landfill riba nos isla cu ta activo. Kier mira un cambio den e maneho ey. Si mira e cantidad di sushi y di kico ta consisti, mayoria di nos sushinan ta plastic. Plastic ta un material reciclabel. Asina tin tambe otro cantidad di sushi manera desperdicio di construccion y matanan. E sushinan aki por wordo usa pa tapa buraco pero mester tin un maneho debido segun Donny Rasmijn… Mester make sure cu no ta bay pone materialnan toxico den nos teranan y siguramente ta spera un rapport cu ta bay duna un direccion di unda gobierno kier bay. Tur esaki lo wordo trata den e reunion di awe mainta den parlamento. Tambe a invita tur persona cu ta interesa den e topico aki y kier mira un cambio den e maneho aki, seguramente ta invita tambe e companianan cu ta trahando riba un manera legal of ilegal, den e maneho di e dumpnan aki. Siguramente ta invita e personanan tambe cu mester haya sa mas di e topico aki, cu ta esunnan cu ta sushando e pais aki, sin tene cuenta cu esaki. Nos turismo ta depende di nos medio ambiente y ta importante pa tur ta presente, pa tur ta na altura cu e ta bay bin un maneho streng y debido riba e topico aki. Asina mes tin un ekipo di procesa sushi na Parkietenbos. A puntra Donny Rasmijn con a para cu esaki? Por djis pensa caba cu prome, e no ta haci e trabao cu e mester haci, pasobra e planta ey ta suppose di separa plastic for di sushi, separa hero for di sushi, metalnan for di sushi y locual por mira e producto cu ta haya despues di e separación ey, ta un producto cu mester bolbe procesa pa haci'e limpi. E no ta Sali limpi. Dus un manera cu por bisa cu por mercadi'e. Di otro banda, si mira e placa cu mester utiliza pa por cumpra e diesel pa maneha e planta ey. Cifranan di 2010 ta bisa cu mester di 240 florin pa maneho. Si mira caba cu cada tonelada di sushi cu wordo benta eynan, gobierno ta cobra 60 florin pe. Eynan caba tin un diferencia masha grandi di placa. Di unda lo saca e placa ey. E planta ey, ademas cu e no ta sirbi pa e funcion cu a busk'e pe, unda cu finalmente locual hinca den dje ta wordo laba y tin cu bolbe bent’e bek den e landfill. Ademas di esey no ta economico pa draai cune. Segun Rasmijn di AVP e ta keda un proyecto fracaso unda cu keto bay e ta keda cu su problema y lamentablemente 28 miyon florin di nos pais a wordo benta aden y ta sigui ta un fracaso. Dos rapport a wordo traha y ambos ta malo pa e planta… Unico cos cu mira lo positivo, si bay riba Google, unda cu Baldwin & Lawson a skirbi su cosnan aki aya y duna algo positivo na dje. Por menciona tambe cu e planta aki a wordo ofreci na un di e islanan di Virgin Island pa nan por bay use, pa prepara sushi pa asina nan por kim'e den un waist to energy plant. E papelnan cu sr. Rasmijn a mira cu nan ta ofrece na e islanan aki, nan a haci cambionan den e planta. Awor cu e ta bay traha, ta keda un pregunta. Seguramente si wak con e planta ta na Aruba, compara cu esun cu nan a ofrece na US Virgin Island, por mira cambionan caba, cambionan tecnico den e sistema cu nan a hacinan, pa asina evita cu por tin asina hopi shotdown, unda cu e planta hopi biaha mester wordo baha pa haci mantención. Mesun problema cu tin na Aruba. |
Mustra/Kita e formulario di comentario
