| Marlon Sneek (AVP): Preocupacion ta sigui existi riba daknan di asbest na scolnan di Aruba |
 |
 |
| Wednesday, 27 June 2012 21:43 |
|
Marlon Sneek di AVP a splica di algun preocupacion cu ta existi pa daknan di asbest na Aruba. Tin scol cera pa un siman pasobra tin problema cu dak di asbest cu a sufri daño dia cu tabata tin biento fuerte. Una bes cu asbest kibra, e fibranan ta bay den aire y por ta un peliger pa hende. En conexión cu esaki siman pasa fraccion di AVP a manda un carta pa Minister di Enseñanza, pa asina reuni cune pa conversa di kico a pasa cu ta tumando tanto dia cu scolnan no por cuminsa bek y kico ta e plannan den liñanan grandi pa e daknan di asbest cu tin na nos scolnan. 90% di e scolnan tin dak di asbest. Tanten cu e dak aki no kibra, e fibranan no ta bin los y no ta un peliger. Ta momento pa cuminsa pensa riba un plan macro pa cambia e daknan aki y evita e problemanan aki pa nos hobennan. Tabata tin scolnan cu a keda cera na Noord pa mesun problema. Esaki ta prome cu por a haci e scolnan limpi prome cu e muchanan por a bay bek na scol. Awo tin un situacion similar caminda cu tin scol cera, caminda dak a kibra y fibranan los y directiva di e scol no kier expone e muchanan na peliger y a opta pa manda e muchanan cas. Esaki ta cosnan cu por sigui pasa. Marlon Sneek di AVP a sigui splica cu ta importante pa pone riba papel kico ta locual cu ta bay pasa cu tur e daknan aki na e diferente scolnan pa asina haya algo structural pa por evita e tipo di problemanan aki den futuro. E encuentro cu minister di enseñanza lo ta pronto. Di parti di infrastructura e minister tambe mester aloca un budget strategico pa poco poco cuminsa cambia e daknan. E ta keda un problema cu cada biaha cu un dak kibra anto tin duda. No por keda den e dilema aki. Mester haci un assessment y mira unda precies tin e daknan aki y garantiza e enseñanza sin temor di daknan di asbest cu por kibra y bira problema pa salud di e studiantenan…E reunion ta biniendo, si tur cos bay bon por haya e reunion e siman aki ainda y preguntanan ta saliendo. Ta di spera di por haya contesta rapido di dje pa mira kico ta su plannan cu e problema aki. Cada biaha cu un cos pasa ta presenta e situacion cu e muchanan ta perde les y esaki no ta aceptabel, sigur den 2012, caminda cu tin cantidad di cosnan moderno, tin cantidad di desaroyonan grandi riba e pais. Pa sr. Sneek ta bon pa tene cuenta cu nos scolnan, nos muchanan cu ta futuro di e pais aki. Comentarionan (1)Mustra/Kita comentarionan ...
hallo marlon bo artic*lo ta hopi bunita gana di pone hende hari . wel bay papia cu bo gobierno puntrele pakiko boso tin COLEGIO CRISTO REY na brasil keto bay sera ja ta bay hasi 6 luna caba i nos como major tin di carga. tur e consecuensia nan . stop di traha tram i drecha shool pa nos yuinan.
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
