| Parlamentario Lorna C. Jansen-Varlack: E Ley di Tourism Product Enhancement Fund a wordo aproba |
 |
 |
| Wednesday, 27 June 2012 21:59 |
|
Durante e tratamento di e Ley “Tourism Product Enhancement Fund” oposicion a dirigi mayoria di nan tempo pa critica minister Otmar Oduber pa cu e projecto di Linear Park. Di tur e projectonan cu ta tuma lugar rond di Aruba a scohe pa sinta piki pieu riba un projecto cu ta Linear Park. Den e mesun rosea negativo Fraccion di MEP a critica e departamento di DOW riba e aspecto di control. A sigui critica e contratista Prosuinca pa cu e aspecto di credibilidad, pa cu e calidad di material, pa cu e trabounan haci, siendo cu e ta mesun contratista Gobierno di MEP a busca den pasado pa cu e projecto di Vader Piet. A busca tur sorto di argumento pa descredita e compania aki. Veneno so e fraccion a saca durante nan disertacion pa cu e Ley aki. Un cos cu nan a reconoce ta cu e Linear Park ta un bon idea riba dje. Turismo ta e prome pilar di nos economia y nos mester sigui inverti den Aruba pa sigui mehora e producto. E producto Aruba no ta encera solamente e lugarnan turistico, pero tambe e hendenan cu diariamente ta den contacto cu turista. A pidi pa inverti den e diferente beachnan rond di Aruba, limpiesa di nos pais, desaroyonan nobo turistico pariba di brug etc. Nos tur ta conciente cu minister Otmar Oduber ta haciendo un tremendo trabou pa cu Turismo, Transportacion y den e area di Labor. Comentarionan (4)Mustra/Kita comentarionan ...
Dificil pa compronde e grupo di hendenan di e partido ki, di un banda ta grita cu ta trahando ariba un Aruba 5 strea, cu tur cos ta baiendo super y un paar di Ministers ta hayando placa di pueblo manera grijs pa hunga cune....y di otro banda bo ta tende nan mesun parlamentarionan ta bisa (den un tono hopi tembla) cu nos DEBENAN ta hopi halto, cu nos pension ta na peliger y cu NO mester/ por paga indexering...Hasta a vota contra e presupuesto...ta di spera cu ora "boontje kom voor z'n loontje"..TUR..pero TUR (sindicato, camara di comercio cremiosnan)cu ta doe mee na hypocrecia ki, lo wordo poni PERSONALMENTE RESPONSABEL !!!!!
,
June 28, 2012
...
Sra. Varlack sa masha bon cu Linear Park a bira un chaos total y cu ainda e no a keda cla....E hoofdaannemer a bai failliet....sigur cu tampoco nan a cumpli cu debenan di belasting...y ta DOW mester purba caba cu ne of busca un otro contratista. Cual lo costa mas placa....placa di pueblo....
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
