| Parlamentario Lorna C. Jansen-Varlack: Fraccion di MEP, Parlamentario Andin Bikker y Booshi Wever a vota contra desaroyonan turistico na San Nicolas |
 |
 |
| Wednesday, 27 June 2012 21:59 |
|
E Ley di “ Tourism Product Enhancement Fund” ta un Ley pa aproba fondonan pa mehora e producto Aruba. Por fin awor e area di San Nicolas ta haya atencion pa atrae turista na San Nicolas. Masha poco desaroyo a tuma lugar na San Nicolas durante 8 aña di gobernacion di MEP. Por papia di un projecto cu ta e Bushalte, un extension di e edificio di IMSAN cu tawata un cabay pa campaña y por cierto ta hopi mal traha. Nos por a corda con e trahadornan prome cu eleccion tawata traha 24/7 pa keda kla cu e trabounan. Bentananan y portanan cu no tawata pas, murayanan cu scheur etc. Tin hopi mas desaroyo pa San Nicolas na caminda y aprobacion di e Ley aki ta sigura cu ehecucion di e projectonan por tuma lugar.Ora oposicion di e parlamentarionan a vota contra e Ley di TPEF, automaticamente nan a vota contra e desaroyonan turistico di San Nicolas. Otro aña cu ki cara e hendenan aki di oposicion por drenta San Nicolas pa campaña y busca voto. Cu cua argumento nan lo purba di engaña pueblo di San Nicolas atrobe? Mayoria di e plannan cu MEP tawatin a keda den e fase di papel of scondi den lachi pa 8 aña largo. Minister Otmar Oduber, un minister cu curashi y cu un vision grandi pa Turismo di Aruba a saca e plannan, drecha nan y ehecuta nan. Loke e Gobierno aki a logra den un tempo record di 2 aña y 10 luna MEP no por a logra den 8 aña. Pabien minister Otmar Oduber cu e Ley aki cu ta na bienestar di pueblo di Aruba! Comentarionan (2)Mustra/Kita comentarionan ...
Mihor abo keda keto y no core campanja mes. Bai wak boso programa di campanja 2009/2013 y bin bisa nos na San Nicolas kico boso y vooral abo a haci pa nos hendenan. Petrochina lo bai ta boso cabay di campanja paso otro cos pa campanja no tin. Ki dia e otro parti di BBO ta wordo kita? Splica pueblo cu ta bai tin medida scondi atrobe bou un nomber bunita pa pone nos hendenan kere atrobe den boso. Joe Laveist ta wardando pa jega na turno, scolnan cu falta materiaal y docente. Imsan tey y bo persona mes tawata fungi como MC, e scol cu bo tawata cabesante di dje a wordo renoba danki na otro hende y no bo persona. Lage te aki.
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
