| drs. Paul Croes ta keda Presidente di Parlamento pa siguinte aña parlamentario |
 |
 |
| Monday, 10 September 2012 18:36 |
|
“Mi mester bisa cu grato placer, y mi kier gradici pa e apoyo di parti di Parlamento pa e trabounan grandi aki cu Parlamento a bin ta haciendo, mi persona a keda reeligi como Presidente di Parlamento pa 2012-2013. Hunto cu sr. Chris Dammers, cu a keda eligi como vice Presidente di Parlamento.” Manera ta un tradicion caba, den e ultimo reunion aki a repasa tur e trabounan importante cu a wordo haci den e aña tras di lomba y kico ta bay traha riba dje den e periodo nobo. Aña 2011-2011, segun drs. Croes, tabata uno importante pa e organo di Parlamento caminda masha hopi topico a wordo poni riba e agenda politico door di Parlamento. Mas di 40 reunion a tuma luga, compara cu e aña anterior cu tabata 30. Pa loke tabat comision central, a tene 37 reunion, mientras cu mas cu 60 reunion di comision a tuma lugar, ademas di diferente otro reunionnan importante. Un aspecto preocupante pa Parlamento ta keda ainda, un cantidad grandi di pregunta cu no ta wordo contesta door di Gobierno. Den e reunion di ayera tambe a papia di ki tipo di instrumento por wordo uza pa fortifica e rol di Parlamento den esaki, ki instrumento legal y Constitucional tin cu por uza pa Gobierno contesta mas tanto pregunta di Parlamento. Esaki ta un preocupacion di Parlamento completo. Drs. Croes ta satisfecho cu e aña tras di lomba ya cu a logra pasa hopi ley mientras cu tin plannan positivo pa wordo ehecuta door di Parlamento. |
Mustra/Kita e formulario di comentario
