Relaciona cu e subida di prijs di gasolin awe, a puntra Rene Herdé despues di e reunion di apertura di aña parlamentario nobo, kico e ta pensa di e echo cu gobierno ta enfoca asina hopi riba energia alternativo y awe e prijs di gasolin ta subi. Rene Herdé: “E echo cu e prijs di gasolin ta bolbe subi mayan ta enfatisa mas ainda pakico nos aki na Aruba mester pone e era domina pa petrolio tras di nos. Mas lihe nos invertii den mas energia alternativo, di biento y solo, ta mas lihe nos ta haci nos pais independiente di petrolio, gasolin y e subida constante di esakinan. Nos tin mas cu cualkier otro pais di mundo e posibilidad di kita e dependencia di petrolio for di nos. Porfin nos a yega na e punto cu e fuentenan di energia cu nos lo tin ta e fuentenan natural cu nos pais tin. Solo, biento y awa! Mas bunita ta cu e fuentenan di energia aki no ta caba nunca contrario cu petrolio. Petrolio un dia ta bay caba y mientrastanto e prijs ta bay sigui subi. Y nos lo mester sigui paga mas y mas pa gasolin y tur otro producto cu ta depende di petrolio, tanten cu nos sigui depende di petrolio como fuente di energia. Nos mes no por haci nada pa stop e prijs di gasolin y di otro productonan di subi! Nos ta sigui mara nan esaki! Di otro banda energia di solo, biento y awa ta duna nos energia sin fin y na un prijs fiho pa hopi tempo! E placa cu nos spaar di cumpra petrolio/ gasolin nos lo por usa pa otro metanan importante pa nos mes, pa pueblo y nos pais.”

BENTAHA DI NOS TAMAÑO

Un otro bentaha ata segun Rene Herdé e bentaha di nos tamaño. “Nos ta un pais chikito y e distancianan ta relativamente cortico. Uso di energia aletrnativo como fuente di energia pa auto den futuro cercano lo haci cu nos lo depende ainda menos di e subida inespera y iratico di gasolin. Cu autonan electrico nos lo por core mescos cu nos ta core awor aki, sin cu nos tin cu paga e prijs cada dia mas halto di gasolin.”Segun Rene Herdé e disponibilidad sin fin di solo, biento y awa hunto cu nos tamaño chikito, ta haci cu nos mas cu cualkier otro pais na mundo por bira independiente di petrolio y su subida di prijs constante. Esaki ta nifica cu nos por sigui desaroya como pais sin e peso di petrolio riba nos cartera y nos medio ambiente. Rene Herdé: “Imagina Bo con nos pais lo por desaroya su economia y cuida nos naturalesa mas y miho. Esaki ta bay ta e “era di oro” di nos pais y di paisnan cu haci uso di energia alternativo. Nos tamaño ta duna nos un bentaha mas ainda. Ta na nos pa haci bon uso di esaki!”

Comentarionan (7)

Mustra/Kita comentarionan

...

Tempo di e gobierno anterior ki ora gasolin subi ta c*lpa di Nel, y awor cu avp ta na mando awor ta depende di petrolio, bai djaki om ta medida boso ta tumando indirectamente keriendo cu nos no sa? Stop cu e mentiranan y purba di drecha e promesanan falso cu boso a priminti te cu pueblo a pone confiansa den boso y a keda totalmente decepciona.

ki tin , September 12, 2012

• 
• +0
• 
• 

...

masha bunita anto despues boso ke cobra belastin haltisimo ariba e nummer plaat ?ainda boso no tin 1 minimo idea
di e concepto green,grren bucks den cartera pa ken su benefishi?

DIS , September 12, 2012

• 
• +0
• 
• 

...

Nos no ta eens cu sr.Rene pasobra esaki ta un tactic pa toch forsa pone e bendita Molina nan riba cabez di Alto Vista.:Tin hopi firma cu ta contra e Molina nan y na Hullanda nan ta verboden...lesa ...busca riba internet...Aruba ta vota contra e Molina nan di biento nan ta majos bista...No imita otro lugar of pais nan y haci mane cu nos por sin petrolie ata Venezuela ta cerca kiko ta e problema nos t un pais cu nos mes por negocia cu Venezuela of nos tin di haci loque Hullanda of Merca ta haci awor pa kwa banda bo ta...?

vrijheid van menning , September 12, 2012

• 
• +1
• 
• 

...

Nos no ta eens cu sr.Rene pasobra esaki ta un tactic pa toch forsa pone e bendita Molina nan riba cabez di Alto Vista.:Tin hopi firma cu ta contra e Molina nan y na Hullanda nan ta verboden...lesa ...busca riba internet...Aruba ta vota contra e Molina nan di biento nan ta majos bista...No imita otro lugar of pais nan y haci mane cu nos por sin petrolie ata Venezuela ta cerca kiko ta e problema nos t un pais cu nos mes por negocia cu Venezuela of nos tin di haci loque Hullanda of Merca ta haci awor pa kwa banda bo ta...?

vrijheid van menning , September 12, 2012

• 
• +0
• 
• 

...

Nos no ta eens cu sr.Rene pasobra esaki ta un tactic pa toch forsa pone e bendita Molina nan riba cabez di Alto Vista.:Tin hopi firma cu ta contra e Molina nan y na Hullanda nan ta verboden...lesa ...busca riba internet...Aruba ta vota contra e Molina nan di biento nan ta majos bista...No imita otro lugar of pais nan y haci mane cu nos por sin petrolie ata Venezuela ta cerca kiko ta e problema nos t un pais cu nos mes por negocia cu Venezuela of nos tin di haci loque Hullanda of Merca ta haci awor pa kwa banda bo ta...?

vrijheid van menning , September 12, 2012

• 
• +0
• 
• 

...

Prijs di Petrolio nunka nos lo tin control di dje, Energia Alternativo si ta algo cu nos por controla si nos bin cu mas projecto nan manera Wind Park, Solar Park pa Parking lots, Sea Wave energie, electric cars etc etc. Si Venezuela mes cu tin gran parti di petrolio di mundo ta invertiendo pa wind energy park dus energia alternativo, kiko esey ta pone bo pensa??? Petrolio ta bai bira mas scars i mas caro. Spera Parlamentarion nan por wak esaki i dicidi pa laga gobierno bin cu mas energia alternativo!

Pueblo , September 12, 2012

• 
• +0
• 
• 

...

Esey ta berdad ora mester subi prijs junto cu e prijs mundial. Pero e andersom tambe mester wordu tuma na cuenta. Esta ora prijs BAHAAAAAAAA!!! tambe mester baha prijs. Olé!

Compa Shoko , September 12, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi