| Parlamentario Clarisca Velasquez: Politiconan di oposicion ta di mala fe si nan ta bisa cu nan tin of sa di cumpradornan pa valero |
 |
 |
| Wednesday, 12 September 2012 11:45 |
 Diabierna cu a pasa 7 di september 2012 parlamento a jama un encuentro den sala di parlamento pa asina scucha di e sindicatonan di IOWUA y tambe di abogadonan representante di e staff di valero kiko ta loke ta pasando despues cu a wordo anuncia cu valero no ta bende e refineria mas cu petrochina.
Den e encuentro aki algun parlamentario di oposicion a bin dilanti ta bisa cu nan tin cumpradornan pa e refineria. Sra Evelin Wever-Croes a laga sa den e encuentro aki cu e tin cumprador di e refineria cu por cumpra majan mes y Andin Bikker di PDR a trece dilanti cu e tambe sa cu tin un cumprador pa e refineria. E politiconan di oposicion ta di mala fe si nan ta bisa cu nan tin cumpradornan pa valero y hasta tin cu a bisa cu nan tin cumpradornan cu por cumpra valero majan mes. pasobra cu nan sa cu gobierno ta haciendo su maximo esfuerso pa buska cumprador y of partner pa valero y nan a keda keto. Maske cu e gobierno mes no tin ningun influencia den benta of compra di e refineria pero asina mes ta haciendo maximo esfuerso pa juda buska cumprador/partner pa e refineria. Oposicion a festeha ora a bira conoci cu valero ta suspende su operacion na Aruba no ta nada stranjo cu nan ta bolbe haci cos di mala di keda keto pa no bisa cu nan sa di cumpradornan pa valero. Esaki ta di condena pasobra cu e trahadornan a traha den incertidumbre tur e tempo y gobierno buskando rond mundo pa cumprador/partner siendo cu e partidonan aki den oposicion tin conocimento di posibel cumprador/partner anto nan a keda keto! Ta e trahadornan di valero y economia di Aruba nan ta perhudica y awor kier tira bluff cu ta pone nan mala fe bin dilanti! Politico opositornan aki ta di mala fe y ta obvio cu nan no tin bienestar di nos pueblo na pecho pero solamente probecho politico nan kier saca for di tur situacion hasta for di situacion cu ta perhudica nos pueblo!
Comentarionan (1)Mustra/Kita comentarionan ...
No Clarisca, no ta di mala fe nan ta. Absolutamente cu no! MEP ta 100% sigur di su mes den e asunto aki. Aparentemente, segun rumornan insistente nan lo tin te hasta ya un MOU firma dia bieu caba, he anto bon scondi bow di e mesa di Xiomara cu tur e companianan di ,,sceptic tanks,, aki na ARUBA. Cu e ,,light crude crioyo,, aki MEP lo kier meen cu nan lo por laga Valero draai manera un washmashine estilo wringer te bay off. Pues keda pediente.......MEP a la carga! Valero lo draai manera nunca di su existencia ela yega di draai!
,
September 12, 2012
Duna Comentario y/of Comparti riba Social Medi |
Mustra/Kita e formulario di comentario
