| Testnan di droga ta sigui wordo realiza den forma aleatorio entre esnan laborando den transporte publico |
 |
 |
| Wednesday, 12 September 2012 16:38 |
 For di november 2010 Minister Otmar Oduber a introduci un maneho nobo a traves di un Decreto Ministerial pa mehora e seguridad y calidad dentro di transporte publico.
Asina a introduci e test di droga caminda cu esnan cu tin un vergunning mester pasa e test di urina/sanger na momento di prolongacion, traspaso of renovacion di nan permiso. Banda di esaki Departamento di Transporte Publico (DTP), ex DOPV, por pidi den forma aleatorio (steekproefgewijs) pa un of mas persona cu tin un vergunning realiza un test di droga. Intencion di e maneho aki ta pa salvaguardia e seguridad den traico y na mes momento eleva e calidad dentro di e ramo di transporte publico. Minister Oduber a indica semper cu e kier mehora calidad di Producto Aruba pa nos mes como tambe pa nos bishitantenan y transporte publico ta hunga un rol importante den e mehoracion di nos producto. E ta considera importante pa e personanan cu tin no solamente nan bida, pero bida di un of mas pasahero den nan man ta semper atento, cumpliendo cu tur e reglananan estableci y tambe pa evita y controla uso di substancianan ilicito. Na momento cu un vergunning houder test positivo riba droga, su vergunning ta wordo kita inmediatemente, ya cu e ta bira un peliger pa nos seguridad den trafico. Por bisa si cu for di momento cu e maneho nobo aki a wordo introduci, casi 2 aña pasa, solamente 1 vergunninghouder a wordo gara bou influencia di droga. Naturalmente, su permiso a wordo ingetrokken inmediatamente. DTP ta sigui e maneho di manda e vergunninghouders pa realiza e test di sanger na un forma aleatorio, e ta algo cu no ta wordo planea, simplemente ta bisa cu ta bay e dia aki na haci e testnan, segun Directo di DTP, Gerald Keteldijk a duna di conoce.
|
Mustra/Kita e formulario di comentario
