Den un entrevista cu lider di fraccion di AVP, Rene Herde, encuanto e reunion di Staten cu MEP a yama y cu a tuma lugar diaranzon, na unda mester a trata e posicion di e trahadornan awor cu e refineria Valero a stop cu operacion.

Rene Herde a splica cu MEP a crea impresion cu nan kier bin cu un solucion, sin embargo tur cos a resulta den un wega politico riba e dolor di e trahadornan y di pueblo. El a bisa cu dia cu e refineria a avisa di e ciere MEP a haci fiesta y awor por a sinti nan stem di alegria pasobra Valero a stop di opera of ta opera na otro forma. Nan a bin cu proposicion pa baha belasting riba e suma cu e trahadornan ta bay haya na 0% mientras cu nan mes a aumente na 2005 di 15% pa 25% pesey e ta haya cu esaki ta un hipocresia total. E discusion politico cu e reunion a bira ta algo cu nada tin di haci cu e trahadornan ni ta trece beneficio pa nan. Fraccion di AVP ta bay haci locual e trahadornan a pidi Parlamento, pa wanta un rato sin haci nada te cu nan negocia cu e refineria. Esaki no tin di haber cu wega politico ni cu dolor di e trahadornan y pueblo, pero si pa salvaguardia e refineria cu ta loke MEP a tira afo, y AVP lo haci e maximo pa esaki, y e trahadornan cu lo por haya retiro lo ser yuda financieramente caminda cu ta posible, y nan lo busca trabao pa nan, pasobra esey ta loke nan a pidi, loke nan kier, un mayoria di trahadornan cu lo keda Aruba, Rene Herde a splica.

Comentarionan (1)

Mustra/Kita comentarionan

...

Ami ta kere cu confronta MEP den un discushon ta bon pa pueblo weita ken tin e pueblo na curazon. Si un di e nan papia coi loco, pueblo lo ripara y tuma medida ora di elekshon.

Compa Shoko , September 13, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi